Бугун бўлиб ўтадиган УЕФА Суперкубоги учрашуви ҳақида

Бу баҳс УЕФА Суперкубоги тарихидаги 41-учрашув бўлади. Бу ўйинда "Реал" Чемпионлар лигаси ғолиби, "Севилья" эса Европа лигаси бош соврини эгаси сифатида иштирок этади. Тошкент вақти билан 23:45да бошланадиган учрашув Норвегиянинг Тройнхейм шаҳридаги "Леркендал" стадионида бўлиб ўтади.

Ушбу арена "Русенборг" клубининг уй стадиони ҳисобланиб, ўз бағрига 21,166 мухлисни сиғдира олади.

"Реал" ва "Севилья" УЕФА Суперкубоги учун баҳсда бешинчи маротаба иштирок этишмоқда. "Реал" ушбу соврин учун кечган тўрт учрашувнинг 2 тасида ғалаба қозонган. "Севилья" эса бир маротаба УЕФА Суперкубоги ғолибига айланган. Бу жамоалар 2014 йилда ҳам ушбу соврин учун кураш олиб боришган. Ўша баҳсда "Реал" Роналдунинг голари эвазига ғалаба (2:0) қозонган.

Бугунги баҳсни сербиялик ҳакамлар бригадаси (Милорад Мажич, Милован Ристич ва Далибор Журжевич) бошқариб боради.

23:45. "Реал" - "Севилья"