Бугун 13:00. Ироқ - Ўзбекистон
11 feb 2018 08:28
News

Бугун 13:00. Ироқ - Ўзбекистон

Футзал бўйича Осиё чемпионати якуний паллага етиб келди. Бугун мусобақанинг ғолиб ва совриндрлари аниқланади.

Ўзбекистон терма жамоаси учинчи ўрин учун баҳсда Ироқ футзалчилари билан тўқнаш келади. Эрон эса Япония билан чемпионлик масаласини ҳал қилади. Ҳар икки беллашув Xinzhuang Gymnasium спорт мажмуасида ўтказилади.

Номинал мезбон сифатида майдонга тушадиган Ироқ термаси оқ либосларда, Ўзбекистон терма жамоаси эса кўк формаларда ҳаракат қилади.

Эслатиб ўтамиз, Ироқ – Ўзбекистон учрашуви бугун, 11 февраль куни Тошкент вақти билан 13:00 да старт олади.