Breaking News: Сергей Лушан истеъфога чиқарилди!

"Бунёдкор" олий лигадаги 9 мавсумида илк бор "Нефтчи"га қарши икки ўйинда имкониятни бой берди. Биринчи даврада ўз майдонида 0:1 ҳисобида мағлубиятга учраган "қалдирғочлар" куни кеча Фарғонада 0:2 ҳисобида имкониятни бой бердилар. Афтидан, бу клуб раҳбариятини эътирозига сабаб бўлган.

Эртага жамоа "Сўғдиёна"га қарши баҳс олиб боради. Бу ўйинда "Бунёдкор"га ким устозлик қилишини тез орада билиб оламиз.

Айни пайтда энг маъқул номзод - Миржалол Қосимов. У аввал ҳам "Бунёдкор" тизимида кўп йиллар фаолият юритган ва клубдаги ҳолатни бошқалардан яхшироқ тушунади.

Бу олий лигада Александр Мочинов ("Бухоро"), Эдгер Гесс ("Андижон") ва Мурод Исмоиловдан ("Нефтчи") кейин тўртинчи истеъфо бўлди.