Усэйн Болтга шартнома таклиф қилган клуб "Барселона" ёки "Реал" эмас
16 oct 2018 11:15
News

Усэйн Болтга шартнома таклиф қилган клуб "Барселона" ёки "Реал" эмас

«Валлетта» директори Гасстон Слимен клуб 8 карра Олимпиада чемпиони Усэйн Болтга шартнома таклиф қилмоқчи эканлиги ҳақида айтиб ўтди.

«Биз ўз сафимизда чемпионни кўришдан хурсанд бўламиз. «Валлетта»дагилар бажариб бўлмайдиган ишнинг ўзи йўқ деб ўйлаймиз», — дейди Слимен.

«Валлетта» Болтни 13 декабрь кунига қадар ўз сафига қўшиб олмоқчи. Ўша куни Мальта Суперкубоги доирасида «Бальцан»га қарши ўйин бўлиб ўтади.

Сентябрь ойида Мальтанинг «Валлетта» клубини Sanban Group араб компанияси сотиб олганди. Клуб олдига ЕЧЛга чиқиш вазифаси қўйилган.

Куни кеча Болт профессионал футболдаги дастлабки голларини урди. У Австралиянинг «Сентрал Кост Мэринерс» сафида ўртоқлик учрашувида иккита тўп киритди.