Болалар футболи бўйича Республика мусобақаларига энди ЎФА ҳомийлик қилади

Натижада ҳамма вилоят жамоаси ҳам керакли манзилга молиявий имконияти туфайли етиб бора олмаган. Пойтахт эса транспорт томонидан барчага қулай.
 
Шу боисдан ЎФА 1-вице-президенти Умид Аҳмаджонов ЎФА Футболни ривожлантириш бошқармаси таклифини кўриб чиқди ва уни маъқуллади. Унга кўра 2001-2005 йиллар оралиғида таваллуд топган футболчилар ўртасидаги Республика мусобақасининг барчаси пойтахтда бўлиб ўтади.
 
Ўзбекистон ёшлар ва ўсмирлар терма жамоалари учун селекция ишларини сифатли олиб бориш мақсадида, 2001 ва 2004 йилларда таваллуд топган футболчилар ўртасидаги жамоаларнинг пойтахтдаги барча харажатлари ЎФА томонидан қопланади. Бу билан Ассоциация мусобақада энг сара футболчиларни иштирок этишини таъминлаган ҳолда, энг яхши футболчиларни саралаб олиш имкониятига эга бўлади.
 
Шу билан бирга, Республика мусобақасида иштирок этадиган барча футболчилар энди жиддий назоратдан ўтадилар. Агар бирон футболчининг ёши кичрайтирилгани тўғрисидаги маълумот аниқланадиган бўлса, шу иш билан шуғулланган мураббий ва мазкур ишни тепасида бўлган ходимлар ҳақида махсус идорага хабар берилади.