Latest news

11:10"Челси"нинг янги мақсади маълум  0 10:00GiveMeSport нашри барча даврларнинг энг яхши дриблинг соҳибини аниқлади  11 09:16«Сурхон» тожикистонлик футболчи билан шартнома имзолади  0 08:48МЛС. Мессининг иккита ассисти жамоасини мағлубиятдан қутқариб қолди  15 08:20Sofascore. Кечаги учрашувда Ҳусниддин Алиқуловнинг ҳаракатлари неча баҳога лойиқ кўрилди?  3 07:51Осиё кубоги U-20. Бугун ёшларимиз Жаҳон чемпионатига йўлланмани қўлга киритиши мумкин   13 07:25Саудия Про лигаси. «Ал Иттиҳод» «Ал Ҳилол» ўртасидаги баҳсда йирик ҳисоб қайд этилди  10 03:00Ла Лига. "Барселона" меҳмонда ишончли ҳисобда ғалаба қозонди, каталонияликлар биринчи ўринга қайтишди  35 02:47А Серия. Лаутаронинг голи "Интер"га "Женоа" устидан ғалабани тақдим этди, миланликлар вақтинча биринчи ўринга кўтарилишди  0 00:53"Ювентус" АПЛдан италиялик футболчини ўз сафига қўшиб олиши деярли аниқ, аммо...  0 00:38Бундеслига. "Боруссия" ўз уйида "Унион"га жавобсиз 6та гол урди, "Байер"дан меҳмондаги ишончли ғалаба  4 00:34АПЛ. Рэшфорддан 2та ассист, Асенсиодан 2та гол — "Астон Вилла" ўз уйида "Челси"га қарши камбэк эвазига ғалабага эришди  14 00:28Ла Лига. "Атлетико" меҳмонда "Валенсия"ни йирик ҳисобда мағлуб этиб, вақтинчалик биринчи ўринга чиқиб олди  9 00:01А Серия. "Торино" ва "Милан" ўртасидаги ўйинда учта гол урилди  9 23:05Туркия Суперлигаси. "Ризеспор" даҳшатли камбэк эвазига меҳмонда ғалабага эришди, Алиқулов тўлиқ ўйнади  11

Бенземадан интервью олиш орзум ўлдирилди ёхуд ОКМК - "Ал-Иттиҳод" учрашуви қандай тартибсизликка айланиб кетди? News

Бенземадан интервью олиш орзум ўлдирилди ёхуд ОКМК - "Ал-Иттиҳод" учрашуви қандай тартибсизликка айланиб кетди?

Нима учун одамлар спорт журналистикасини танлайди?

Бошқалар ҳақида билмайман, лекин мен бу соҳада бўлишни орзу қилардим. Мен профессионал футболчи бўла олмадим, лекин ҳеч бўлмаганда уларнинг олдида бўлишни истадим. Иложи бўлса, буюк футболчилардан интервью олишни хоҳлардим.

Кеча менда шундай имконият бор эди. Карим Бенземадан интервью олиш учун ОКМК - "Ал-Иттиҳод" ўйини учун Олмалиқга бордим. Ҳатто саволларни ҳам француз тилида тайёрлаб қўйдим: бир пайтлар мен француз тилини ўрганганман ва уни озгина биламан (тан олиш керак, менинг қиз ўртоғим ҳам саволларни тўғри ёзишимга ёрдам берди – у француз тили ўқитувчиси).

Аммо муаммолар стадионга киришдан бошланди. Биринчи хавфсизлик ҳуқуқ-тартибот идоралари ходимлари биз журналистларни ичкарига киритишни исташмади. ОФК томонидан берилган аккредитацияларимиз уларга ёқмади. Улар: “Муҳр қаерда?” деб сўрашди.

Ҳеч қандай муҳр бўлмаслиги керак, лекин афтидан, ҳеч ким уларни бу ҳақда огоҳлантирмаган. Ушбу аккредитация билан Championat.Asia журналистларига Эрон, Саудия Арабистони ва БААда рухсат берилган, бироқ Ўзбекистондаги ўйинга киритишини исташмади. 10 дақиқадан сўнг, биз ниҳоят стадион ичига кириб олдик, лекин бу ерда бизни навбатдаги сюрприз кутиб турганди: ОАВ ўтирадиган жойда ОАВга алоқаси бўлмаган одамлар билан тўла эканлиги. Баъзи ҳамкасбларим ўриндиқлар банд бўлгани учун ўйинни тикка туриб томоша қилишга мажбур бўлди. 

Учрашувнинг ўзидан эса одам мазза қилди. ОКМК яхши ўйнади ва маҳаллий томошабинлар Бензема ва Фабинёни кўришди. Албатта, мен ҳам шундай даражадаги юлдузларни жонли кўрганимдан хурсанд бўлдим. Шу жойида яна Олмалиқдаги ҳолатни танқид қилишга мажбур бўламан.

Якуний ҳуштак. “Championat.Asia”даги ҳамкасбларим ва журналистлар “Ал-Иттиҳод” футболчиларидан интервью олиш умидида микс зонага йўл олдик. Балки Бенземадан ҳам интервью олармиз? Саволларни француз тилида тайёрлаганим бежиз эмас.

Учрашув ташкилотчиларидан бири бошқача фикрда эди. У бизни микс зонадан чиқариб юборди, биз у ерда бўлишга ҳақимиз йўқ экан. Қизиға ОАВ микс зонада бўлиши мумкин эмас. Бизга мумкин эмас, бироқ яна ўша бошқаларга у ерда туришга ва юлдузлар билан суратга тушиш мумкин экан. Биз бошқа йўл орқали микс зонага тушишга ҳаракат қилдик, бироқ у ердаги стадион ходимлари у ерда катта лавозимдаги инсонлар борлигини ва бизни у ерга қўйиб юбора олмаслигини маълум қилди.

ОК, тушундим. Биз биринчи кириш жойига - ўйин ташкилотчиси бизни ҳайдаб юборган жойга боришга қарор қилдик. Бироқ энди у ернин эшиги ёпиқ эди. Шундан сўнг бизни трибуна остидаги хонадан, кейин эса стадиондан ҳайдаб чиқаришди.

Нега футбол сайтининг журналисти ОАВ учун ажратилган жойда бегоналар сабабли ўйини тикка турган ҳолда кўриши керак? Нега журналист ўзи бўлиш ҳуқуқига эга бўлган жойга бориб, футболчига тайёр саволларини бера олмайди? Нега ўйинни ташкил қилиш учун маъсул шахслар ким ва қаерга киришини билишмайди? Нега ўйин аввалида комиссарлар томонидан стадион ишчилари ва ҳуқуқ-тартибот идоралари ходимларига тушунтириш беришмайди? Нега, охир-оқибат, менинг орзуим ўлдирилганини қабул қилишим керак?

Бу саволларнинг барчасини ўйиндан сўнг, унинг рақамини топиб, учрашув ташкилотчисига бердим. У ушбу саволларимнинг ҳеч бирига жавоб бера олмади ва айбни бошқаларга юклаб қўйишни бошлади.



Бу менинг Карим Бенземадан интервью олишим учун биринчи ва охирги имкониятим эди. Энг ачинарлиси бу менинг айбим билан содир бўлмагани бўлди. 

П.С. Ўйиндан кейин трибунада қандай тартибсизликлар содир бўлганини тушуниш учун ушбу видеони томоша қилинг.  https://t.me/championatasia/151625

Николай Егоричев

Rating: +6   

Comments

championat.asia
< show latest news
Яндекс.Метрика