«Барселона» билан хайрлашган Серхио Бускетс Европада ўйнаш нияти йўқ

«Тўғрисини айтсам, ҳали аниқ бир режага эга эмасман, олдимда 3-4та таклиф бор, аммо аниқ тўхтамга келганим йўқ. Европада ўйнашни истамайман – «Барса»га қарши расмий учрашувда ўйнаш қийин бўларди. Қолаверса, буёғига нисбатан хотиржамроқ ҳаётни маъқул кўраман. Яқин 2-3 ҳафтада барчаси ҳал бўлади. Оилам билан бирга қарорни қабул қиламиз», - дейди Бускетс.

Аввалроқ, испаниялик яримҳимоячига Саудия Арабистони ва АҚШдан таклиф борлиги ҳақида хабар қилинганди.