“Атлетико” футболчиси Лондон клубига ўтиши мумкин

“Атлетико Мадрид” клуби ярим ҳимоячиси фаолиятини Лондоннинг “Арсенал”ида давом эттиришга тайёр. Бу ҳақида Британия ОАВлари хабар бермоқда.

Қайд этилишича, Парти Микель Артета устозлик қилаётган клубга ўтиш истагини билдирган. Томаснинг товон пули 45 млн евро ташкил этади. Аввалроқ футболчининг Мадрид клуби билан янги шартнома борасида музокаралар олиб бораётгани ҳақида хабарлар пайдо бўлганди.

Парти Ла Лиганинг жорий мавсумида 24 та ўйин ўтказиб, ўз ҳисобига 2 та гол ёздириб қўйди.