Арнаутович “Вест Хэм” билан шартномасини узайтирди

Лондон клуби 29 ёшли ҳужумчи билан шартнома узайтирилганлигини расман маълум қилди.

Арнаутович 2017 йилнинг ёзида “болғаурарлар” сафига келиб қўшилганди. Унинг амалдаги шартномаси 2022 йилнинг 30 июнида ўз ниҳоясига етади. Австриялик футболчи жорий мавсумда АПЛда 16 та учрашувда майдонга тушиб, 7 та гол урди ва 2 та голга ҳаммуаллифлик қилди.

Илгарироқ Арнаутовичга Хитойнинг икки клуби – “Шанхай СПИГ” ва “Гуанчжоу Эвергранд” қизиқиш билдиришганди. Аммо “Вест Хэм” раҳбарияти ҳужумчи учун 50 миллион фунт (56,7 миллион евро) талаб қилгач, осиё клублари футболчини ўз сафларига қўшиб олиш фикридан қайтишган эди.