"Андижон": "Сўғдиёна"га ютқаздик ёхуд Махситалиев ва Каблаш келишди

Ушбу беллашувда Сергей Шевченко асосан кўрикдан ўтаётган янги ўйинчиларни синовдан ўтказди. Учрашувда "Андижон" 1:2 ҳисобида мағлубиятга учради. Андижонликларнинг ягона тўпини Аюбхон Гаппаров киритди.

“Андижон” таркиби: Темур Ғаниев, Виталий Визавер, Темур Султонов, Даврон Турсунов, Акбар Ходжаев, Бекзод Ғозиев, Иброҳим Отахонов, Азиз Ибрагимов, Мирзакамол Камолов, Игорь Мельник, Аюбхон Гаппаров.
Захирадан майдонга тушганлар: С.Смородин, Аббос Махситалиев, Никита Свиридов, Алишер Тўхтасинов, Александр Каблаш.
Гол: А.Гаппаров.
 
Бугун таркибга яна икки нафар янги ўйинчи қўшилди. “Пахтакор” ярим ҳимоячиси Аббос Махситалиев ва украиналик Александр Каблаш “Сўғдиёна”га қарши баҳсда иштирок этишди. Каблаш бундан аввал “Навбаҳор” йиғинида қатнашиб кўрикдан ўта олмаганди. Ушбу ўйиндан кейин Шевченко ийди рамозон хайит байрами муносабати билан футболчиларга икки кунлик дам берди. Жамоа 29 июлдан тайёргарликни яна Тошкентда давом эттиради.