"Андижон" назорат учрашувида "Нефтчи" ёшларига ютқазди

“Андижон” жамоасида кўрикдан ўтиш учун Сурхондан келган ҳимоячи Улуғбек Норқобилов ва ярим ҳимоячи Тоҳир Маҳмудов иккинчи бўлим ўрталарида майдонга тушишди. Бу футболчилардан ташқари бошқа янги футболчиларни учратмадик. Таркибга қайтиб келган Асқар Жадигеров эса захирада қолдирилди. Гарчи сафарда тўп сурганликларига қарамай “Нефтчи” ёшлар жамоаси футболчилари мазкур ўйинда рақибидан бироз устунликка эришди. Буни қайд этилган ҳисобдан ҳам билиб олиш мумкин. 

“Андижон” – “Нефтчи” (ёшлари) 1:3. Андижон. “Соғлом авлод” стадиони.
Хакамлар: Темур Тўхтасинов, Анвар Маражабов, Санжар Латипов.
Голлар: Баҳром Абдураҳимов - Музаффар Музаффаров, Отабек Ҳайдаров, Музаффар Музаффаров.
“Андижон”: Сергей Смородин, Раҳим Қодиров, Дилмурод Маҳмудов, Даврон Турсунов, Фурқат Ҳасанбоев, Бекзод Ғозиев, Расул Раҳмонов, Лочин Солиев, Акмал Жўрабоев, Алишер Тўхтасинов,Баҳром Абдураҳимов.
“Андижон” таркибида захирадан тушганлар: Юрий Цой, Афзал Азизов, Тоҳир Маҳмудов, Улуғбек Норқобилов.

Айтиш лозимки, меҳмонлар сафида учрашувда дубл эришган футболчи Музаффаров айни пайтда “Пахтакор” жамоасини бошқараётган Мурод Исмоиловнинг ўғлидир.

“Андижон” энди режага кўра, 31 июль куни ўз майдонида “Навбаҳор” билан ўртоқлик ўйинини ўтказади.