Андижон вилояти болалар футбол академияси “NAVRUZ CUP-2019” халқаро мусобақасида ғолиб бўлди
31 mar 2019 14:00
News

Андижон вилояти болалар футбол академияси “NAVRUZ CUP-2019” халқаро мусобақасида ғолиб бўлди

Tags : Андижон NAVRUZ CUP-2019

Қозоғистон Республикасининг Олмаота шаҳрида 2005 йилда туғилган ўсмирлар ўртасида “NAVRUZ CUP-2019” халқаро мусобақаси бўлиб ўтди.

Ушбу мусобақада иштирок этган Шоҳруҳ Ишанов ва Лочинбек Гулданов бошчилигидаги Андижон вилояти болалар футбол академияси тарбияланувчилари барча рақибларини мағлубиятга учратиб, мусобақа ғолибига айланди.

Мусобақа давомида ўзининг ёрқин ўйинлари билан мухлис ва мутахассисларда катта таассурот қолдирган Андижон футбол академияси тарбияланувчилари Азизбек Усмонов "Энг яхши ҳужумчи", Асилбек Тожидинов эса "Энг яхши дарвозабон" сифатида эътироф этилди.

Андижонда мусобақа ғолибларини кутиб олиш маросими бўлиб ўтди. Маросимда академия тарбияланувчилари Андижон вилояти футбол ассоциацияси ва Ёшлик жисмоний тарбия ва спорт жамияти вилоят бўлими томонидан эсдалик совғалар билан тақдирландилар.