"Андижон" клуби вакиллари Шаҳриҳонга бориб, фахрий футболчи ҳолидан хабар олди

"Бунда қаровсиз қолаётган, меҳрга муҳтож бўлганлари инобатга олинди.

Улар учун зарур бўлган озиқ-овқат маҳсулотлари тайёрланди. Шунингдек, ҳар бири учун моддий таъминот ҳам унутиб қўйилгани йўқ. 

Фахрийларни йўқлашда "Андижон" клуби вакили Абдулҳафиз Абдулҳамидовга "Андижон" футболида узоқ йиллар тўп тепган, мухлисларимизга яхши таниш бўлган фахрийлардан бири Ориф Маматказин ҳамроҳлик қилди.

Дастлабки манзил сифатида Шаҳрихонга бордик. У ерда фахрий футболчи – Аббос Турғунов бор. Айниқса, бу инсонни ёши улуғ мухлислар жуда яхши эслашади. Кўплаб шогирдларининг устози. Ҳаётини футболга бағишлаган. Андижон футболида ўзига хос ном қолдирган. Аббос акани тумандаги спорт мактабидан топдик. Суриштирганимизда, у кишини ўша ерда дейишди.

Айтилган жойга етиб борганимизда, янги йил арафасида байрам дастурхони ёзилган экан. "Андижон" клуби томонидан тайёрлаб қўйилган совға-саломлар тўпланганларнинг олдида, ширин хотиралар эсланган ҳолда, илиқ фикрлар айтилиб, Аббос Турғуновга топширилди. 

Албатта, бундай эътибордан у кишининг кайфияти янада кўтарилди ва ўз миннатдорчилигини изҳор қилди", – дейилади хабарда.