Алишер Шоғуломов: "Ҳамма ўйинда яхши ўйнаяпмиз, лекин натижа бўлмаяпти. Демак, нимадирни алмаштириш керак"

"Хоразм" жамоасини ғалаба билан табриклайман. Ўйин яхши бўлди, ўзимиз яратган вазиятлардан фойдалана олмадик, биринчи таймнинг ўзида учта бирга-бир вазият бўлганди. Ўйин назорати бизда бўлди, жамоа яхши ўйнади, билмадим...ҳамма ўйинда яхши ўйнаяпмиз, лекин натижа бўлмаяпти. Демак, нимадирни нотўғри қилаяпмиз, нимадирни алмаштириш керак.

Тажрибали Суннатилла Мамадалиевнинг ёши анча катта. Бугун таркибимизда 16-17 ёшли футболчилар ўйнашди. Мақсадимиз мана шу ёшларни ўстириш ва терма жамоаларга ўйинчи етказиб бериш.

Иккита легионер ҳужумчимиз 2-турда жароҳат олганди. Тўртта ўйиндан буён улар бизга ёрдам бера олишмаяпти. Таркибимизда бор ўйинчилар хизматидан фойдаланаяпмиз.

Мен футболчиликка қайтмайман (кулади). Футболчи бўлганидан кейин яхши ўйнаши ва яхши жамоада ўйнаши керак", - дейди Алишер Шоғуломов.