Алексей Евстафеев: "Ҳозир яхши футболчи топиш қийин"
28 jan 2016 22:30
News
Алексей Евстафеев: "Ҳозир яхши футболчи топиш қийин"
"Тошкентда 12 кунлик йиғинимиз ўз якунига етди. Режалаштирилганидек 4та ўртоқлик учрашувини ўтказдик. "Обод", "Олмалиқ", "Сўғдиёна" ва Тожикистоннинг "Истиқлол" клубларига қарши ўйнадик. Охирги "Сўғдиёна"га қарши ўйинни ҳисобга олмаганда барча баҳсларда об-ҳаво яхши бўлди. Кўплаб янги ва ёш футболчиларни кўздан кечирдик. Иш давом этади. Олдинда Фарғона Ҳокими Кубоги турибди. Унда икки таркиб билан иштирок этамиз".
"Таркибга чақирилган барча футболчилар Ҳоким кубогида иштирок этади, ҳозирча ҳеч кимга жавоб берганимиз йўқ. Февраль ойининг 12 санасида пойтахтга келиб навбатдаги йиғинни бошлаймиз".
"Янги футболчилар борасида иш олиб борилмоқда. Яхши ва талабимизга жавоб берадиган футболчи бўлса албатта таркибга жалб қиламиз. Ҳозирги пайтда яхши футболчи топиш жуда қийин. Ҳимояга ихтисослашган ярим ҳимоячи бўлса йўқ демасдик. Сабаби бу ерда ўйнайдиган Жавоҳир Расулов жароҳат олган, Умид Қодировнинг соғлигида кичик муаммо бор".
Олимпия терма жамоасида ўйнаган дарвозабон Абдумавлон Абдужалилов "Сўғдиёна"га қарши майдонга тушди, Достон Турсуновга эса дам бердик. У Фарғонадаги мусобақада иштирок этади", - дейди Алексей Евстафеев.

Similar news
championat.asia
Ла Лига. "Барселона" меҳмонда "Вильярреал" устидан ишончли ғалабага эришди, мезбонлар ўйинчиси 39-дақиқада майдондан четлатилди
"Реал" Абдуқодир Ҳусановни ўз сафига қўшиб олмоқчи
Breaking! Ўзбекистоннинг ЖЧдаги рақиби Португалия Эрон билан ўйнайди
АПЛ. "Ман Сити" ўз майдонида "Вест Хэм"ни мағлуб этди, Ҳусанов 67-дақиқада захирадан ўйинга қўшилди
Comments