Александр Ежов: "Шўртан"ни сафарда мағлуб этишимиз ҳам мумкин эди"

Урганчнинг "Хоразм" жамоаси сафарда "Шўртан" меҳмони бўлди. Голларга бой бўлган баҳсда ғузорликлар 3:2 ҳисобида ғалаба қозонди. Учрашувдан сўнг "Хоразм" устози Александр Ежов сайтимизга қисқача интервью берди. 

- Ўйин қизиқарли ва томошабоп тарзда ўтди дейишим мумкин. Биласизми "Шўртан" майдонидан ғалаба билан қайтишимиз ҳам ҳеч гап эмасди. Афсуски Сардор Матмуротов 5-6та қулай вазиятларни кўкка совурди. Балки унга бироз тажриба етишмаётгандир. Ғузорликлар менда яхши таассурот қолдирди. Жамоани харакати бор. Лекин яна қайтариб ўтаман, бутун ўйин давомида устунликка эришиб, якунда мағлуб бўлдик. Футболда баъзан шунақаси ҳам бўлиб туради. Энди кейинги ўйинларда очко жамғаришга харакат қиламиз. 

- Давралар оралиғида олиб борган йиғиндан кўнглим тўлди. Тошкентда қисқа муддатли ва шу билан бирга фойдали йиғин ўтказдик дея оламан. Фурсатдан фойдаланиб клуб раҳбариятига яратиб берган шароити учун миннатдорчилик билдираман - дейди Ежов.