"Аҳмоқ". Британиялик таниқли эксперт Ҳаверцнинг "Челси" билан ўйинига баҳо берди
11 nov 2024 15:58
News

"Аҳмоқ". Британиялик таниқли эксперт Ҳаверцнинг "Челси" билан ўйинига баҳо берди

Лондоннинг "Арсенал" клуби мухлиси, британиялик топ-журналист Пирс Морган "канонирлар" ҳужумчиси Кай Хаверцнинг 10 ноябрь куни бўлиб ўтган АПЛ доирасидаги "Челси"га қарши (1:1) ўйини ҳақида гапирди.

"Ҳаверц, сен дангаса аҳмоқсан. Юз фоизлик имкониятларни кўкка совуряпсан. Эй Худо, бизга чиндан ҳам ҳақиқий ҳужумчи керак. Нега Артета буни кўрмайди?
Ижобий томони шундаки, "Арсенал" аллақачон "Сити", "Челси", "Тоттенхэм", "Ньюкасл" ва "Астон Вилла" билан меҳмонда ўйнаб бўлди – ҳар қандай топ-клубнинг энг қийин ўйинлари серияси. "Арсенал" иккита ўйинда ғалаба қозонди, иккита учрашувда дуранг ўйнади, бир марта мағлубиятга учради ва 15 очкодан 8 тасини қўлга киритди.
Январга келиб биз яхшироқ вазиятда бўлишимиз мумкин. Агар топ-ҳужумчи билан шартнома имзоласак, унда...", – деб ёзди Морган.

Эслатиб ўтамиз, "Арсенал" Англия чемпионати мусобақа жадвалида 19 очко билан 4-ўринда кетмоқда. "Ливерпуль" 28 очко билан пешқадамлик қилмоқда.

Link :

Source : The Mirror

Receive latest football news directly on your phone. Subscribe for our Telegram channel!

Rating: +2