11 октябрь куни Дилшод Нуралиев иштирокидаги матбуот анжумани бўлиб ўтади
07 oct 2013 11:37
News

11 октябрь куни Дилшод Нуралиев иштирокидаги матбуот анжумани бўлиб ўтади

Хабарингиз бор, Ўзбекистон ўсмирлар терма жамоаси октябрь ойининг иккинчи ярмида бошланадиган ўсмирлар ўртасидаги Жаҳон чемпионатида иштирок этади.

Ушбу мундиалдан олдин ўсмирлар терма жамоаси бош мураббийи Дилшод Нуралиев иштирокида матбуот анжумани бўлиб ўтади, бу ҳақда ЎФФ расмий твиттери хабар берди.

"Дилшод Нуралиев жамоаси турнир олдидан Испанияда йиғин ўтказиб, халқаро турнирда иштирок этиб, кеча Тошкентга қайтиб келди. Ўзбекистон U17 терма жамоаси бош мураббийи Дилшод Нуралиев 11 октябрь, жума куни соат 11:00да ЎФФ биносида матбуот анжуманида иштирок этади", - деб ёзади ЎФФ расмий твиттери.

Эслатиб ўтамиз, БАА мезбонлик қиладиган ўсмирлар ўртасидаги мундиал 17 октябрь - 8 ноябрь оралиғида бўлиб ўтади. Ўзбекистон ўсмирлар терма жамоаси "С" гуруҳида Панама, Марокаш ва Хорватия жамоалари билан кураш олиб боради.

Link :

Source : championat.asia

Receive latest football news directly on your phone. Subscribe for our Telegram channel!

Rating: