Скоулз ўзи мухлислик қиладиган жамоанинг бош мураббийи бўлишга яқин

"The Telegraph" нашри хабарига кўра, томонлар музокараларни якунлашган. "Олдхэм" 2-Лигада (Англиянинг 4-рақамли дивизиони) иштирок этади. Скоулз ҳам ёшлигидан буён айнан шу жамоага мухлислик қилиб келган. "Олдхэм" ҳозирда чемпионат турнир жадвалининг 12-поғонасида кетмоқда.

42 ёшли Скоулз ҳали мураббийликда ишламаган. 2013 йилда фаолиятини якунлаган футболчи "қизил иблислар"нинг афсонаси бўлди.

"Олдхэм"нинг энг яхши натижаси 1914/15 йилги мавсумда қайд этилган. Ўшанда жамоа Англия чемпионатининг 2-поғонасини қўлга киритган.