ЕЧЛ. LIVE

ЯНГИЛАШ

Эртадан барчанинг диққат-эътибори Турин, Дортмунд, Мюнхен ҳамда Мадридга қаратилади.

Европанинг айни пайтдаги кучли-саккизталигидан жой олган жамоалар энди ярим финал чиптаси учун аёвсиз жанг олиб боришади.

Дастлаб Туринда "Ювентус" "Барселона"ни, Дортмундда "Боруссия" "Монако"ни қабул қилади.

Ушбу ўйинлар атрофидаги фикр ва мулоҳазалар билан ушбу алоҳида саҳифа орқали онлайн тарзида таништириб борамиз.

"Лестер"нинг 1300 мухлиси Мадридга боради

- "Ювентус" – "Барселона" учрашувини польшалик Шимон Марциняк бошчилигидаги ҳакамлар бошқаришади. "Боруссия" Д – "Монако" баҳсида италиялик Даниэле Орсато ишлайди.

Бонуччи "Барселона" ҳимояси "Ювентус"никини олдида ожизроқ эканлигини таъкидлади.

Италиялик ҳимоячи шундай дейди: "Икаала жамоанинг ҳам ҳимоя чизиғи кучли. Лекин шунга қарамай, "Ювентус"нинг мудофаа чизиғи бироз кучлироқ. Ўйин барчасини кўрсатиб беради".

Бонуччи жамоаларнинг ҳужумдаги имкониятларини ҳам чамалади.
"Месси, Суарес ва Неймар "учлиги" жаҳоннинг энг кучли топ-10лигига киради. Игуаин ҳамда Дибала ҳам шулар қаторида", - деб қўшимча қилди ҳимоячи.

"Барселона" учун жиддий йўқотиш бу Бускетс. Серхио Бускетс дисквалификация туфайли эртанги беллашувни ўтказиб юборади.

- "Монако"ни чорак финалга йўл олишига замин яратган гол муаллифи Бакайоко дисквалификацияда, Сидибе эса кўрчак бўлиб қолгани учун "Боруссия"га қарши илк ўйинда иштирок эта олмайди.

- Фабио Капеллонинг фикрича, Луис Энрике жамоасининг муаммоси бу ярим ҳимоя чизиғи билан боғлиқ экан.

- "Бавария"да Хуммельс, "Реал"да эса Пепе йўқотишлар рўйхатининг тепасида. Нойер эса машғулотларни бошлади. Мюллер ҳам якшанба кунидан бошлаб умумий гуруҳда шуғулланмоқда. Тони Кроос эса Нойерга қарата, тузалиб кет, фақат сафга қайтишга шошилма, дея мурожаат қилди.

- БИЛАСИЗМИ? "Ювентус" ҳамда "Барселона" жамоалари шу кунгача жами 10 маротаба ўзаро куч синашишган. Бу борада устунлик эмас, тенглик мавжуд. Яъни ҳар иккала жамоа ҳам 4та ўйинда ғолибликни қўлга киритишган ва иккита беллашувда дуранг қайд этилган. Тарози палласини ким ўз томонига оғдира оларкин? Кўрамиз...

- Таниқли қизиқчи, сўз устасининг "Бавария" - "Реал" қарама-қаршилиги тўғрисидаги  қизиқ-қизиқ гапларини эшитиб кўринг: Искандар Ҳамроқулов "Бавария" - "Реал" учрашувидан олдин нималар деди? ВИДЕО

- "Бавария" клубининг твиттердаги расмий саҳифасида жойланган сурат: #MiaSanMia (Биз бу биз), дея "Реал"ни эҳтиёт бўлишга чорламоқда. Нойер ҳамда Риберини нигоҳларида ҳам кўп маъно мужассам.

- "Барселона" аллақачон Туринга етиб келган. Неймар ва Маскеранонинг кайфияти аъло даражада.

- Айни дамда "Ювентус-стэдиум"нинг матбуот анжуманлар залида "Ювентус" - "Барселона" ўйинидан олдинги матбуот анжумани бўлиб ўтмоқда.

Сайтимиз ходими Нарзулла Сайдуллаев эртанги ўйинлар олдидан ўз фикрларини билдириб ўтди.

- "Боруссия Д" - "Монако" ўртасидаги илк ўйинда мезбонларнинг имконияти катта. 80 мингдан зиёд мухлислар дортмундликларни фақат олға чорлайди. "Монако"нинг бу босқичга етиб келгани улар жуда катта натижа. Шахсан мен бу жуфтликда ёш футболчиларга эга "Монако" ғолиб бўлишини истаяпман. Лекин реал қарасак, "Боруссия"нинг ярим финалга чиқиш имконияти фоиз ҳисобида 70:30.

"Ювентус" - "Барселона" ўртасидаги ўйинда кам гол бўлса керак. Тахминим илк учрашув тақдирини битта ёки иккита гол ҳал қилади.. Туринликлар ҳимояси билан мақтана олади, Каталония клубида эса аксинча ҳужум чизиғи жуда кучли. Демак қизиқарли баҳс кўришимиз аниқ. Кейинги босқичга ким чиқиши иккинчи ўйиннинг сўнгги дақиқаларида ҳал бўлса керак.

Томас Тухелнинг қисқача фикрлари:
- Лазаретдан кўплаб футболчилар сафга қайтишди. Масалан Кагава, Вайгль, Пишчек. Ройс кеча жамоа билан шуғулланди ва бугун ҳам машғулотларда иштирок этади. Шундан кейин биз Марко бўйича якуний қарорга келамиз. Агарда футболчи қайдномадан ўрин олса, унда майдонга тушишга шай бўлади. Биз айни пайтда қийин вазиятга тушиб қолганимиз йўқ. Биргина омадсиз ўйинни "Бавария"га қарши ўтказдик. Шу боисдан биз футболчилардан бу баҳсни тезда унутиб, "Бавария" билан бўлган учрашув ҳақида ортиқча ўйламасликларини сўрадик. Бу бизнинг фойдамизга ишлайди.

Тухель "Монако" манзилига кўплаб илиқ фикрларни билдиришни унутмади.
- "Монако" таркибида бир қатор иқтидорли ва истеъдодли футболчилар жамланишган. Жамоа жисмоний жиҳатдан ҳам мукаммал тайёргарликка эга. "Монако"ни ажойиб мутахассис бошқармоқда. Жардимнинг ўзининг ғояси бор ва жамоа шу ғоя асосида ажойиб футбол ўйнамоқда. Жамоаларнинг имконияти тенг. қисман "Монако"да кичик устунлик мавжуд.

* Левандовски «Бавария» машғулотини ўтказиб юборди, Нойер қайтди

"Монако" устози Леонарду Жардим ҳам ўз фикрлари билан ўртоқлашди.
- "Монако" аста-секинлик билан тажриба орттириб бормоқда. Ёш, иқтидорли футболчилар ўсиб боришмоқда. Чемпионлар лигасида ҳар доимгидек шиддаткор футбол бўлади. Бизни тажрибали ва яхши ижрочиларга бой рақибга қарши муҳим баҳс кутмоқда. Ўзимизнинг энг яхши жиҳатларимизни, сифатларимизни кўрсатишга ҳаракат қиламиз. Биз ўз услубимиздан воз кечмаслигимиз ва ҳужумкор руҳда ўйнашимиз лозим. Шунингдек, ҳимояда ҳам эҳтиёткор бўлишни унутмаслигимиз даркор. Фалькаонинг сафга қайтиши жамоамиз учун муҳим. Чунки бу ҳужумчи ўйинимизга сифат ва тажриба беради. Мбаппега шабҳасиз ишонаман ва ундан умидим катта. Фабиньо ўйинни қуришда жуда керакли футболчи. Бу футболчи ўз позициясида энг яхшилардан бири.

"Барселона" бош мураббийи Луис Энрике матбуот анжуманида қуйидагиларни гапириб ўтди:
- Берлиндаги финалдан кейин "Ювентус" таркибида бир қатор янги футболчилар пайдо бўлишди. "Ювентус" ҳозирда ҳам ажойиб жамоа сифатида шаклланган. Ҳозирги жамоа кучлими ёки икки йил аввалгими? Бу ҳақида бир нарса дейиш мушкул. Финални жуда яхши эслайман, аммо у ўйин энди тарих.
Иккала жамоа ҳам ўз кучига ишонмоқда. Футболчиларим менинг мотивация беришимга муҳтож эмаслар. "Ювентус" каби рақибга қарши беллашувда уларни бу борада ортиқча тайёрлаш ҳам зарур эмас.


"Сўғдиёна" клуби матбуот хизмати ходимаси Дилдора Холбоева "Барселона"нинг ғалабасига ишонмоқда
- "Барселона"га ишонаман. "Ювентус"га қарши жуда қизиқ ўйин бўлади. Туринликларнинг ҳимоя чизиғи кучли. "Барселона"нинг энг мақтанадиган жиҳати бу албатта - ҳужум. Бизни ажойиб ва қизиқарли ўтадиган фантастик тўқнашув кутмоқда. "Барселона"га бўлган муҳабатим туфайли мен "MSN", яъни ҳужум чизиғидаги "трио"га ишонаман. Бу учрашувда Берлиндаги финалдан ҳам шиддаткор футбол бўлади.


"Ювентус"нинг "Барселона" билан бўладиган ўйинга топширган қайдномаси


"Реал" Мадридда шуғулланмоқда. Мадридликлар эртага Мюнхенга йўлга чиқишади. Бэйл ва Васкеснинг машғулотда қандай куч билан ишлаётганига ушбу сурат бемалол жавоб беради


"Қизилқум" клуби матбуот хизмати раҳбари Азиз Нурий Туринда "ёпиқ" ўйини бўлишини тахмин қилди
- Туринда ўтадиган биринчи қарама-қаршиликда ғалабага “Юве”нинг имкониятин кўпрок. Бускетссиз “Барса”га жуда ва жуда қийин булади. "Ювентус" олдинги йилларга нисбатан анчагина кучайган. Жамоа ЧЛ ғолиби булишни чин дилдан истамокда. Лекин “Барса” бу “Барса”. Нимчорак финалда жамоа нималарга қодирлигини намойиш эта олди. Умуман олганда, эртанги уйинда омадгаям кўп нарса боғлик
Фикримча, ёпиқ футбол бўлади. Жамоалар эхтиётокрлик билан харакат қилишади. Пайт пойлаб имкон борича гол уришга уринишади. Бу ўйинда киритиладиган голнинг аҳамияти жуда катта. “Барса” гол уришга, “Ювентус” эса ўтказмасликка ҳаракат қилади. Ярим финалга Каталония клубини чиқишига ишонаман.

“Боруссия”- “Монако”
- “Монако” бу йилги мавсумда ажойиб футбол намойиш этмоқда. Умуман олганда ҳар иккала жамоа ҳам ҳужумкорликни хўш кўради ва бу ўйиндан мухлислар завқ олишлари аниқ. Тахминимча, дортмундликлар ашаддий мухлислари қаршисида илк баҳсни ўз фойдаларига ҳал қилишса керак. Кейинги босқичга чиқиш масаласи эса Монакодаги баҳсдан сўнг маълум бўлади.

* Пауло Дибала: "Менга Мессининг ўйин услуби жуда ёқади"

"Ювентус" бош мураббийи Массимилиано Аллегри матбуот анжуманида қуйидагиларни айтиб ўтди:
- Қўл остимдаги барча тўрттала ҳужумчи ҳам эртага ўйнайди. Уларни бирини ушлаб туришдан маъно кўрмаяпман. "Барселона"нинг ҳужум чизиғи кучли. Лекин из уларнинг кучсиз ва ожиз нуқталаридан фойдаланамиз. Эртага гол уриб, ўз дарвозамиз даҳлсизлигини сақлашимиз муҳим аҳамиятга эга. Бу каби катта ўйинларга руҳий томонлама меъёрида тайёрланмоқ лозим. "Барселона" ўз чемпионатида ютқазиши мумкин, лекин улар ЕЧЛда бошқа оёқлари билан ҳаракатланишади. Асосийси, биз ўз кучимизга ишонишимиз керак.


ЯНГИЛАШ