UZ

Сўнгги янгиликлар

01:46"Фулхэм" стадион трибунасида очиқ бассейн қурмоқчи  0 01:29Абдуқодир Ҳусанов "Лилль" билан ўйинни ўтказиб юборади  0 00:52Италиялик жаҳон чемпиони Қозоғистонга ташриф буюрди  0 00:35Роналдунинг либосини кийган таниқли блогер Мессига алоқадор ресторандан ҳайдаб юборилди  5 00:18Вадим Абрамов: Самарқанд — иккинчи пойтахт. Шундай экан, бу ерда яхши жамоа бўлиши керак"  4 23:37БАА футбол федерацияси ёшини сохталаштирган 18 нафар мисрлик футболчини депортация қилди  1 23:10Веско Стешивич: "Биринчи бўлимда яна битта гол урганимизда, ғалаба бизники бўларди"  0 22:40Мексикадаги матбуот анжуманида бутун жамоа иштирок этиб, мухлислардан узр сўради  0 22:23Клублар миқёсида халқаро турнирларда энг кўп “қуруқ” ўйин ўтказган дарвозабонлар маълум бўлди  0 22:06Роналду Саудия Арабистони чемпионатидаги энг омадсиз ҳужумчи бўлиб турибди  27 21:49Уругвай термаси техник ҳамкорсиз қолди, жамоа брендсиз либосларда ўйнамоқда  2 21:26Суперлига. "Динамо" — "Металлург" 2:1. Highlights  0 21:07"Бухоро" ва "Хоразм" ўртасидаги марказий учрашувдан ГАЛЕРЕЯ  2 20:57Футзал. Ўзбекистон иккинчи ўйинда Қирғиз Республикасини мағлуб этди  0 20:56Суперлига. "Динамо" "Металлург" устидан мавсумдаги илк ғалабасини қўлга киритди  24

Испания. 28-тур. Каталонияда голлар ёмғири Янгиликлар

Испания. 28-тур. Каталонияда голлар ёмғири

Испания чемпионатининг 28-турида "Барселона" ўз уйида "Осасуна"ни қабул қилади.
ЯНГИЛАШ

Ушбу саҳифада ўйин бошлангач мана шу ерда кузатиб бориш мумкин.

Ўйин бошланди! 6-дақиқада Хавининг ошириб берган тўпини ҳимоячилар қайтаришди. Бу ерда Санчес тўпни тўхтатмасдан дарвозага йўллади. Тўп дарвоза юқорисидан ўтиб кетди!

15-дақиқада Альваро Сехудо бурчак тўпидан сўнг дарвозага зарба берди, хавфли чиққан зарба ноаниқ бўлди!

18-дақиқада ҳисоб очилди!  Лео Месси! Қандай ҳужум! Шедевр! Педро чапдан Хавига оширди. Эрнандес тўпни Санчесга узатди. Алексис дарвозанинг қаршисида турган Лео Мессини кўрди, у эса адашмади - 1:0.

22-дақиқада Алексис Санчес иккинчи голни урди. Иньеста чап қанотдаги Хорди Альбани тўп билан таъминлади. Хорди тўпни жарима майдонига оширди, ёнида ҳеч ким бўлмаган Санчес оҳиста ҳаракат билан гол урди - 2:0.

27-дақиқада Педро чап қанотдан жарима майдони ичига ёриб кириб дарвозабон майдони ёнига тўпни оширди. Бу сафар Месси ҳам, Санчес ҳам тўпга ета олишмади.

34-дақиқада ҳисоб йириклашди. Бускетс тўпни Иньестага оширди. Андрес чамаси 23 метрлардан дарвозага зарба берди! Тўп Фернандес қўриқлаётган дарвозадан жой олди - 3:0

37-дақиқада ДАНИ АЛВЕС! Бразилиялик футболчининг 27 метрлардан йўллаган кучли зарбасидан сўнг Адрес Фернандес ўйиндаги илк сейвини намойиш этди.

39-дақиқада Иньеста тўпни дарвозанинг узоқ устуни ёнидаги Хавига оширди, у тўхтатмасдан зарба берди, яна бир бор Фернандес ўзини кўрсатди!

40-дақиқада Иньеста ҳаводан тўпни Алвесга оширди. Дани боши билан тўпни Педрога узатди, бироқ футболчи уч метрлардан дарвозани нишонга ола билмади!

Дастлабки бўлим якунланди. "Барселона" рақибга ҳеч қандай имконият қолдираётгани йўқ. Агар вазиятларнинг ярми голга айланганида ҳисоб камида 6:0 бўларди.

Иккинчи бўлим бошланди.

53-дақиқада Педро тўпни Иньестага оширди. Жарима майдони ичида турган Андрес тўпга оёғини қўйиб қолди, бироз ноаниқ!

60-дақиқада Роберто Торрес жарима тўпини амалга оширди, шундай бўлдики тўпга ҳеч ким ета олмади, Вальдес майдонга ўтириб қолди, агар тўп дарвозага аниқ борганида ҳисоб қисқарарди.

65-дақиқада Месси дублини расмийлаштирди. Иньеста тўпни Мессига оширди. У тўп билан жарима майдони ёнида айланиб юрди ва Андресга қайтариб берди. Ярим ҳимоячи бир ҳаракат билан тўпни жарима майдони марказига оширди, аргентиналик футболчи осонлик билан дарвозани ишғол қилди - 4:0!

68-дақиқада  Яна Иньестанинг тўп узатишидан сўнг Лионель Месси гол уриши мумкин эди. Оширилган тўпга аргентиналик юлдуз ета олмади.

73-дақиқада меҳмонлар бурчак тўпини амалга оширишди, тўпни "Барселона" футболчилари эгаллаб олиб қарши ҳужумга ўтиб кетишди. Месси Андрес Фернандесни бу сафар доғда қолдира олмади.

78-дақиқада Иньеста чап қанотдаги Тельога тўпни узатди, у рақибнинг икки футболчисини ортда қолдириб тўпни дарвозанинг узоқ "тўққизлигига" йўллади - 5:0!

87-дақиқада Мессидан хет-трик. Дани Алвес тўпни Мессига оширди, ҳужумчи кичик пауза қилиб ҳимоячини майдонга ўтқазди ва дарвозанинг узоқ бурчагини аниқ нишонга олди - 6:0.

89-дақиқа Педро ҳам бугунги "ҳосил байрамида" гол уриб кетишни истади. Мессидан тўпни қабул қилиб олган Педро 5 метрдан учрашувни нуқта қўйювч голни урди - 7:0.

Ўйин 7:0 ҳисобида "Барселона"нинг ғалабаси билан тугади.

Барселона – Осасуна 7:0
16 март, 21.00, «Камп Ноу»
Голлар:
1:0 – 18 Месси,  2:0 – 22 Санчес,  3:0 – 34 Иньеста,  4:0 – 63 Месси,  5:0 – 78 Тельо,  6:0 – 88 Месси,  7:0 – 90 Педро.
Барселона – Вальдес, Дани Алвес, Бартра, Маскерано (Адриано, 82), Альба, Бускетс, Хави (А.Сонг, 61), Иньеста, Санчес (Тельо, 77), Месси, Педро.
Осасуна – А.Фернандес, Ойер, Лотье, Аррибас, Дамиа, Лоэ, Сильва, Сехудо, Р.Торрес (Пуньяль, 69), Арментерос (Лобато, 61), Риера (Акунья, 84).
Огоҳлантиришлар: Аррибас (48), Маскерано (58), Сехудо (82).
Рейтинг:    

Фикрлар

championat.asia
Яндекс.Метрика