Зоҳир Пиримов: “ОЧЛ йўлланмасини қўлга киритиш биз учун мушкул вазифа”

Ушбу ғалабадан сўнг “Бухоро” футболчиси Зоҳир Пиримов ўз фикрларини билдирди.

“Шўртан”га қарши баҳс биз учун яхши ўтди. 20 дақиқа ичида рақиб дарвозасини 3 бор ишғол қилишга эришдик. Бундай натижа учрашувда ғалаба қозонишимизни таъминлади. Шундан сўнг, баҳс биз учун осон ўтди. Кейинги турда Тошкентнинг “Пахтакор” жамоасини қабул қиламиз. Ушбу ўйин биз учун осон бўлмайди. Чунки “Пахтакор” биринчи даврага қараганда иккинчи даврада анча кучайган. 

“Пахтакор” билан бўладиган ўйин жуда ҳам қизиқарли ўтади, деб ўйлайман. Чунки, бизда турнир жадвалида юқорига кўтарилиш учун ажойиб имконият пайдо бўлади. ОЧЛ йўлланмасини қўлга киритиш биз учун мушкул вазифа. Биз ҳозир бошқа ўйинлар ҳақида ўйламаяпмиз. Фақат “Пахтакор”га қарши учрашув ҳақида ўйлаяпмиз. Ҳар бир учрашувда ғалаба қозониш учун майдонга чиқамиз. Чемпионатни қандай ўринда якунлашимизни мавсум якунида билиб оламиз”, - дейди Зоҳир Пиримов.

Жаҳонгир Сотволдиев суҳбатлашди