Зидан: “Ал Жазира” билан баҳс қийин кечди. Энди совринни ҳимоя қилишни ўйлашимиз лозим”

“Бейл учун хурсандман. У ҳам ўз ўйинидан қониқди. У захирадан майдонг тушди ва гол урди. 

Натижа адолатли бўлди, чунки биз ғалабага ҳақли ўйин кўрсатдик. Биринчи бўлим биздан омад юз ўгирди. Кўплаб имкониятларга эга бўлсакда, гол уролмадик. Биз эса сабр билан ҳужум қилишда давом этдик. Шундай бўладики, тўп шунчаки дарвозага киришни истамайди ва сиз ўйинни давом эттириб, вазиятларни яратишингиз лозим бўлади.

Ўйин кутилганиданда қийин кечди, энди биз финал ҳақида бош қотиришимиз лозим.

Видеотакрорлар? Тизим шу тахлит ишлайди ва биз бунга кўникишимиз керак бўлади. Биз урилган гол бекор қилинганда нималар содир бўлгани бизга қоронғу.

Энди биз “Гремио” билан финалда ўйнаймиз. Қийин ўйиндан кейин тезда тикланиб, совринни ҳимоя қилишни ўйлашимиз лозим”, дейди Зидан.