"Ювентус"дан навбатдаги бепул трансфер режаси

Испаниялик футболчини қўлга киритиш учун курашга Туриннинг "Ювентус"и ҳам қўшилди. Италия гранди жамоанинг чап қанот ҳимоясини кучайтириш мақсадида 27 ёшли футболчининг вакиллари билан алоқада бўлиб турибди. Мақсад уни мавсум сўнггида ҳозирги клуби билан шартномаси тугаган пайтда Италияга кўчиб ўтишга кўндиришдир. Португал клуби уни таркибида сақлаб қолиш учун янги битимга кўндиришга уринмоқда. Улар ҳеч бўлмаганда ҳимоячини январь ойида сотиб юбориш орқали харажатларини чиқариб олишга умид билдирмоқда.

Алехандро Гримальдо жорий мавсумда “Бенфика” сафида 23 та ўйинда майдонга тушди ва 4 гол уриб, 5 та голга асистентлик қилди.