"Ювентус"дан ҳам камбэк кутсак бўладими? (Превью)

"РЕАЛ" - "ЮВЕНТУС"
Мадрид, "Сантьяго Бернабеу". 23:45
Дисквалификация: Серхио Рамос - Родриго Бентанкур, Пауло Дибала
Жароҳатланганлар: Начо - Андреа Барцальи, Федерико Бернардески.

Чорак финалга қуръа ташланганидан кейин ушбу жуфтлик ўртасидаги ўйин энг қизиғи бўлиши айтилганди. Худди "Ювентус" "Реал"ни тўхтата оладигандек кўринганди. Бироқ биринчи учрашувдан кейин "кекса синьора"лар жуда қийин ҳолатда.

"Реал" айни дамда жуда тартибли ўйин намойиш этмоқда. Бироқ сўнгги кунларда камбэклар кўпайиб кетаётгани учун ҳам жуфтликда кейинги босқичга чиқадиган жамоа аниқ деб бўлмайди. "Юве" 0:3 ҳисобини йўққа чиқариши эса иложсиздек кўринмоқда.

Томонлар ушбу учрашувга қадар миллий чемпионатда оғир ўйин ўтказишди. "Бланкос" ўз майдонида "Атлетико" билан куч синашди ва 1:1 ҳисобини қайд этди. Унда Криштиану Роналду яна ўзини кўрсатди. Шу боисдан ҳам Зидан жамоаси ЛаЛига турнир жадвалида бир поғона қуйилади ва 4-ўрингача тушиб кетди. "Ювентус" эса ўз чемпионатида "Беневенто"ни (4:2) мағлуб этди. Учрашувда Пауло Дибала хет-трикка эришди. Бир гол эса Дуглас Костанинг ҳисобига ёзилди.

ТАХМИНИЙ ТАРКИБ

ЖАМОАЛАРНИНГ ЎЗАРО СЎНГГИ УЧРАШУВИ

Италия. Турин. Стадион "Альянц" 

"Ювентус" (Италия) - "Реал" (Испания) 0:3 

Голлар: Роналду, 3, 64, Марсело, 72 

"Ювентус": Буффон, Де Шильо, Барцальи, Кьеллини, Асамоа (Манжукич, 69), Бентанкур, Хедира (Куадрадо, 75), Коста (Матюиди, 69), Сандро, Дибала, Игуаин 

"Реал": Навас, Карвахаль, Варан, Рамос, Марсело, Каземиро, Модрич (Ковачич, 82), Кроос, Иско (Асенсио, 75), Роналду, Бензема (Васкес, 59)

Огоҳлантириш: Бентанкур, 26, Дибала, 45, 66 - Рамос, 55

Четлатиш: Дибала, 66

ЎЗАРО ЎЙИНЛАР

Томонлар ўзаро 21 ўйинда қатнашишган. Шуларнинг 10тасида мадридликларнинг, 9тасида эса"кекса синьора"нинг қўли баланд келган. 2 учрашувда ғолиб аниқланмаган.

"Реал" 26 гол урган, "Юве" эса 24та. 

Жамоаларнинг ўзаро сўнгги 5 учрашуви:

3 апрель 2018 йил. ЕЧЛ 1/4 финал
"Ювентус" - "Реал" 0:3

3 июнь 2017 йил. ЕЧЛ финал
"Ювентус" - "Реал" 1:4

13 май 2015 йил. ЕЧЛ 1/2 финал
"Реал" - "Ювентус" 1:1

5 май 2015 йил. ЕЧЛ 1/2 финал
"Ювентус" - "Реал" 2:1

5 ноябрь 2013 йил. ЕЧЛ гуруҳ босқичи
"Ювентус" - "Реал" 2:2