"Ювентус" ярим ҳимоячиси билан хайрлашишга тайёр
10 сен 20:05
Янгиликлар
![](https://championat.asia/upload/storage/801390_original.jpg)
![](/upload/storage/801390_220.jpg)
"Ювентус" ярим ҳимоячиси билан хайрлашишга тайёр
Италиянинг "Ювентус" клуби бразилиялик ярим ҳимоячи Артур Мелони сотишга тайёр.
Клуб ушбу мавсумда футболчига ишонч билдирмайди.
Таниқли инсайдер Фабрицио Романонинг сўзларига кўра, туринликлар футболчи учун трансфер таклифини кутишмоқда. Агар бошқа жамоалардан қизиқиш бўлмаса, ярим ҳимоячи "Ювентус" таркибида қолади – футболчи "зебралар"даги ўрни учун курашмоқчи.
Футболчи ўтган мавсумни "Фиорентина"да ижарада ўтказди. Йил давомида ярим ҳимоячи 48 учрашувда майдонга тушиб, 2 та гол урди ва 4 та голли узатмани амалга оширди.
Артур 2020 йилда "Ювентус" футболчисига айланган. Ўз фаолияти давомида "Ливерпуль", "Барселона" ва "Гремио" жамоаларида тўп тепган.
Мело А Сериянинг дастлабки учрашувларида кўриниш бермади. "Ювентус" усиз 2 та ғалаба ва 1 та дуранг қайд этди.
Ўхшаш янгиликлар
![AMP Logo](https://championat.asia/image/logo-amp.png)
Фикрлар