UZ

Сўнгги янгиликлар

02:29Бундеслига. "Бавария" иродали ғалаба қайд этди  1 02:10Саудия Арабистони. "Ал Ҳилол" ва "Ал Насср" мағлуб бўлди  16 00:44"Челси" ёзда дарвозабонини сотмайди  0 00:15"Реал" жаримага тортилди  19 23:50"Барселона" футболчиси "Палмейрас"га ўтди  0 23:20Антони АПЛнинг бошқа жамоасига ўтиши мумкин бўлганини айтди  2 22:31Аббосбек Файзуллаев "Бавария" қизиқишлари доирасида!  23 22:18Лео Месси: "Парижда бахтли эмасдим"  11 21:41Моуринью "Галатасарой"ни судга берди  0 21:14Пеп Гвардиола: "Кевин де Брюйнедан ташқари 30 ёшдан ошган барчанинг қолишини истайман"  3 20:46АПЛ ҳаками бир ярим йилга Европа футболидан четлатилди  3 20:00Ўзбекистон кубоги финаллари тарихи. Қайси ўйинларда кимлар майдонга тушган?  2 19:48Шенсни яна 1 йил "Барселона"да қоладими?  1 19:24Ҳоланддан ноёб рекорд. Ундан олдин фақат Кейн бу ишни қила олган  0 18:58"Реал" ва "Интер" Ҳусановни сафига қўшиб олишни истаган. Фабрицио Романо тафсилотлар билан бўлишди  14

"Ювентус" Роналдунинг ўрнига олиб келган ПСЖ ҳужумчиси ҳақида Янгиликлар

"Ювентус" Роналдунинг ўрнига олиб келган ПСЖ ҳужумчиси ҳақида

Турин клуби мухлислари Мойзе Кинни яхши танишади, лекин у энди аввалги Мойзе эмас.

Роберто Манчини Мойзе Кинни ўтган куздан миллий терма жамоага чақирмай қўйди – бўлажак жаҳон чемпионати саралаш босқичининг дастлабки учрашувларида қахрамонимиз иштирок этмади.

Шундай бўлсада, Манчо ОАВда Кин ҳақида илиқ фикрларни билдирарди: "ПСЖ клубига ўтиш хавфли бўлиши мумкин эди, у ўйин амалиётисиз қолиб кетиши ҳеч гап эмасди. Бироқ у Неймар, Мбаппе ва Ди Мария билан бир жамоада анчагина кўп ўйнамоқда, қўшимчасига, гол ҳам уряпти. Бу мен аввалроқ айтган гапларимга исбот бўла олади: агар сиз иқтидорли бўлсангиз, кучли футболчилар билан бирга янада ўсишга эришасиз, акс ҳолда – йўқ бўлиб кетасиз".

Май ойи охирида Мойзе Сан-Маринога қарши беллашувни асосий таркибда бошлади. Италия 7:0 ҳисобида зафар қучди, лекин Манчини Кинни танаффусда алиштиришга қарор қилди ва уйига жўнатиб юборди. Кейинроқ Италия зафар қучган "Евро"га Жакомо Распадори йўл олди. Ўшанда нима бўлганини, аслида гап нимадалигини ҳеч ким айтмади ҳам, бирор кимса билолмади ҳам, лекин газеталарда мураббийга футболчининг ҳаракатлари маъқул келмагани – ҳужумчи ўртоқлик учрашувида етарлича иштиёқ билан ўйнамагани, астойдил меҳнат қилмагани ҳақида ёзишди.

"Европа чемпионатини телевизор қаршисида томоша қилиш осон бўлмади", – тан олади Кин. Сентябрь ойида унинг фаолиятида яна бир кескин бурилиш содир бўлди. Мойзе "Ювентус" ва Италия термасига қайтди. Литва термасига қарши ўйинда у ҳужумнинг чап қанотида майдонга тушди ва рақиб ҳимоясининг "додини бериб", иккита гол уришга муваффақ бўлди.


"Мистер барчаси ўзимга боғлиқлигини айтади. Мен ишлашда давом этяпман, жумладан, психологик томондан ҳам. Мен терма жамоага бошқача менталитет ва мақсадлари билан қайтдим. ПСЖ сафида ўтган бир йил менга катта ёрдам берди, буюк футболчилар билан бирга меҳнат қилдим", – дейди Мойзе.

"Барча муаммолар – унинг бошида, – дадиллик билан айтади Манчини. – У кучли, тезкор, қанотда ҳам, марказий ҳужумчи нуқтасида ҳам бирдек ўйнай олади. Ишга жиддий муносабатда бўлса, унинг келажаги ёрқин бўлиши мумкин. Аммо асосийси Кин футболчи фаолияти у қадар узоқ бўлмаслигини унутмаслиги зарур. Лаҳзадан унумли фойдаланиш лозим". 




Распадорининг вазияти нисбатан оддий, у – "Сассуоло"нинг асосий ҳужумчиси ҳисобланади ва катта эҳтимол, ўсишда давом этади. Кин учун эса назаримизда, "Ювентус"да бошланган мавсум – фаолиятидаги энг муҳими бўлади.


Нозима Зарипова таржимаси

Рейтинг: +8   

Фикрлар

championat.asia
< сўнгги янгиликларни кўриш
Яндекс.Метрика