Юрген Клопп МЮнинг 10 ёшли мухлиси талабини рад этди
21 фев 2020 15:04
Янгиликлар

Юрген Клопп МЮнинг 10 ёшли мухлиси талабини рад этди

Англияда Юрген Клопп билан боғлиқ кулгили воқеа муҳокамаларга сабаб бўлмоқда.

"Манчестер Юнайтед"нинг 10 ёшли мухлиси мураббий номига хат юборар экан ундан "Ливерпуль" тезроқ ютқазишини сўради, чунки "қизиллар"нинг ғалабали уни хафа қилмоқда. Клопп эса унга жавоб хати ёзди.

"Қадрли Дараг! Сен менга омад тиламадинг, аммо ёш мухлис билан суҳбатлашиш барибир яхши. Сенинг талабингни қондира олмайман.

Сен "Ливерпуль"га мағлубият тилаяпсан, менинг ишим эса ғалаба учун ҳамма нарсани қилиш. Яхшиямки, сен учун олдинги ўйинда ("Атлетико"га қарши ўйин) ютқазибмиз, буёғига ҳам шундай бўлади, чунки бу футбол.

Умид қиламанки, агар биз кўплаб совринларни ютсак, бу сени хафа қилмайди. Клубларимиз рақиб бўлсада, бир-бирини ҳурмат қилишади. Футбол мен учун шундай", - деб ёзган Клопп.

Эслатиб ўтамиз, "Ливерпуль" АПЛда ҳали мағлубият нималигини билмай келмоқда.

Ҳавола :

Манба : dailymail.co.uk

Янгиликларни Телеграмда ўқинг!

Рейтинг: +58