Ёрқин Назаров: "Олдинда икки тур қолганига қарамасдан, бизда имконият бор"

- Ўйин ҳақида фикрингиз...

- Бу жамоалар ўртасидаги ўйин ҳамиша дерби мақомини олган. Яхши беллашув бўлди. Йигитларга миннатдорчилик билдираман, улар йирик ҳисобга қарамасдан, қўлидан келган барча ишни амалга оширди. Олдинда икки тур қолганига қарамасдан, бизда имконият бор. "Андижон"дан 3 очко ола билсак, "Қизилқум"га қарши баҳс ҳал қилувчи ўйинга айланади. Мазкур учрашувларга жиддий тайёргарлик кўрамиз. "Нефтчи"ни ғалаба билан табриклайман. 

- "Турон" мағлубиятга учраётган пайтда ҳужумчи Ҳумоюн Муртозаевнинг захирага олиниши кутилмаган ҳолат бўлди. Қолаверса, унинг ўрнига ярим ҳимоячи майдонга туширилди. Бунинг сабаби нимада?

- Муртозаевнинг жароҳати бор эди, у оёғидаги гипсни яқинда ечди. Машғулотлардаги шижоатини кўриб, уни ўйинга тайёр деб ўйлагандик. Бироқ жароҳат унга ўзини тўлиқ кўрсатиши учун халақит берди. Шу боис, уни алмаштирдик. Ярим ҳимоячи ўйинга қўшилганига қарамай, Холмуродовни ҳужумга ўтказдик. Бугун ҳимояга урғу бермай, учта ҳужумчи билан майдонга тушгандик.