UZ

Сўнгги янгиликлар

03:03Клублар ўртасидаги ЖЧ. "Реал" "Боруссия"ни мағлуб этиб, ярим финалга чиқди, финал йўлидаги рақиб — ПСЖ  14 01:50"Арсенал" ва Мадуэке шартнома борасида келишиб олди. "Челси" билан музокаралар яқин кунларда бошланади  2 01:02Максим Шацких: "Афсуски, баъзи футболчиларимиз бундай даражадаги ўйинга тайёр эмас"  5 00:41"Челси" "Реал" ҳужумчиси учун 40 млн евро тўлашга тайёр  3 00:15Илёс Зейтуллаев: "Мен мураббийман, футболчининг шартнома масаласини клуб ҳал қилади"  0 23:41Асрор Алиқулов: "Иккинчи тайм учун йигитларга раҳмат айтаман"  1 23:22Миржалол Қосимов: "Иккинчи даврада ўзимизни кўрсатиб, аввалги мақомимизга қайтмасак бўлмайди"  1 23:10Клублар ўртасидаги ЖЧ. ПСЖ тўққиз киши бўлиб "Бавария"ни мағлуб этиб, ярим финалга йўл олди  162 22:50Аёллар. Ўзбекистон терма жамоаси Непални пенальтилар сериясида мағлуб этиб, 23 йиллик танаффусдан сўнг Осиё чемпионатига чиқди  4 22:10Качоррининг дубли "Бунёдкор"га "Андижон" устидан ғалаба тақдим этди  44 21:55Суперлига. ОКМК "Машъал" майдонида қийинчилик билан ғалаба қозонди  4 20:29"Челси" 48,5 млн фунтлик трансферни эълон қилди  6 19:46Ўзбекистон ва Непал дуранг ўйнаса нима бўлади?  5 18:06Деку ва Флик ҳозирда Рэшфорд трансферини кўриб чиқмаяпти. "Барса" Диасга эътибор қаратмоқда  2 17:30"Сен буни ўқийсан". Жотанинг энг яқин дўсти ҳалок бўлган футболчига мактуб ёзди  4

Ярим асрлик тўйингиз муборак, Дилшод Жўраалиевич! Янгиликлар

Ярим асрлик тўйингиз муборак, Дилшод Жўраалиевич!

Бугун ўзбек футболида ўз ўрнига эга бўлган таниқли болалар футболи мутахассиси, тажрибали мураббий Дилшод Нуралиев роппа-роса 50 ёшга тўлди.

Бу инсон ҳақида узоқ гапириш мумкин. Акмал Шораҳмедов, Виталий Денисов, Санжар Турсунов, Фарҳод Тожиев, Марат Бикмаев каби футболчиларни ўз вақтида кашф этиб, тарбиялаб ўзбек футболига етказиб берганининг ўзиёқ Дилшод Нуралиевнинг қандай тоифадаги мураббий эканлигидан далолат бериб турибди.

Шунингдек, Дилшод Жўраалиевич Ўзбекистон U-16 терма жамоаси билан бирга Осиё чемпиони бўлган. Бунга қадар ҳеч бир терма жамоамизга Осиё чемпиони бўлиш бахти насиб этмаганди. Эроннинг Тахти шаҳри мезбонлик қилган қитъа чемпионати Нуралиев жамоасининг триумфи билан якунланган эди.  

Юқорида айтганимиздек, Дилшод Нуралиев ҳақида кўп ва хўп гапириш, у кишига теша тегмаган таърифларни бериш мумкин. Фурсатдан фойдаланиб,  барча ўзбекистонлик футбол мухлислари, сайтимиз ўқувчилари ҳамда ижодкорлари, шогирдлари номидан Дилшод Нуралиевга соғлик-саломатлик, оилавий бахт, омад тилаб қоламиз. Туғилган кунингиз муборак бўлсин, Дилшод Жўраалиевич!

Нодирхўжа Юлдашев, “Одил Жуниор” жамоаси бошқарувчиси 

“Дилшод Нуралиев деганда биринчи галда кўз олдимизга болалар мураббийи келади. Менимча, у кишига айнан шу мавзуда ортиқча таъриф шарт эмас. Шу сабабдан ҳам Одил Аҳмедов билан бирга “Одил Жуниор” жамоасини очганимизда, биринчилардан бўлиб Дилшод ака мураббий сифатида ишга таклиф қилдик. Уларга 2009 йилги таркибни ишониб топширдик. Нега айнан 2009 йилги жамоа? Сабаби, бу ёшдаги футболчилар яқин келажакда олимпия   терма жамоасини ташкил этиб беришади. Энг ишонган гуруҳимиз ҳамда олимпия ёшидаги жамоамиз бўлгани учун ҳам Нуралиевга ишонч билдирилди. Фидоийликни қарангки, ўз туғилган кунида ҳам болалар билан бирга. Бугун Дилшод ака билан бирга Намангандамиз. Бу ерга шунингдек, италиялик ҳамкор-мураббиймиз ҳам келган. Турнир баҳона болаларни кўрикдан ўтказяпмиз. Нуралиев италиялик тажрибали мутахассисдан ўрганганларини машғулотларда ёш футболчиларимизга сингдиришни бошлаб юборди. Шу фурсатдан фойдаланиб, “Одил Жуниор” жамоасининг мамлакатимиздаги барча мураббийлари номидан Дилшод Нуралиевни қутлуғ ёш билан муборакбод этаман. Умрингиз зиёда бўлсин, МАЭСТРО!”.

Рейтинг: +10   

Фикрлар

championat.asia
< сўнгги янгиликларни кўриш
Яндекс.Метрика