Япония - Колумбия. ПРЕВЬЮ

Куяба шаҳрида Япония ва Колумбия терма жамоалари баҳс олиб боради. Японлар нимчорак финалга йўл олиш учун ўзлари ғалаба қозонишлари керак. Хосе Пекерман бошчилигидаги Колумбия етакчи ўйинчиларсиз ҳаракат қилиш имкониятига эга.



Йепес ва Куадрадога дам берилиши ҳақида мураббий эълон қилган. Заккерони жамоаси эса Котд Ивуар очко йўқотган тақдирда нимчорак финалга умид қилиши мумкин. Япония сафида Кагаванинг асосий таркибга қайтишини кўпчилик кутмоқда. Эндо, Хонда, Кагава ва Оказаки тўртлиги Япония учун кўп нарсани ҳал қилиб беради.



Ўйинда Колумбиянинг имконияти юқорироқ. Лекин бу жамоага иштиёқ етишмаслиги панд бермаса бўлгани. Қолаверса, "самурайлар" рақибга шунчаки таслим бўлишни исташмайди. Кўрамиз, Осиёнинг етакчи термаси кейинги босқич йўлланмасини ҳал эта олармикан.

Ҳозиргача жамоалар 2 бор тўқнаш келган. Бир бор Колумбия 1:0 ҳисобида зафар қучган, яна бир беллашувда ҳисоб очилмаган.



ЯПОНИЯ - КОЛУМБИЯ
01:00. Куяба. "Пантаналь" стадиони.
Бош ҳакам: Педро Проэнса (Португалия).
Тахминий таркиблар
Япония: Кавашима - Учида, Йошида, Моришиге, Нагатомо - Эндо, Хасебе - Оказаки, Хонда, Кагава - Осако.
Колумбия: Оспина - Суньига, Вальдес, Сапата, Ариас - Агилар, Санчес - Кинтеро, Ж.Родригес, Ибарбо - Ж.Мартинес.


Беҳзод Назаров тайёрлади.