UZ

Сўнгги янгиликлар

10:50Шаҳбоз Жўрабеков: "Кубокни ютиш бугундан "Бухоро"нинг бош мақсадига айланди, финалда кўришгунча"  0 10:30Марко Станоевич: "Ўйин томонлама ютқазмадик, пенальтилар сериясида омадимиз келмади"  0 10:10Нодирбек Аҳмаджонов: "Бухоро"нинг тарихига ҳисса қўшганимдан бахтиёрман, финалда ҳам гол уришни ният қилганман"  3 09:48"Барселона" жароҳат олган Гавининг ўрнига МЮдан футболчини ижарага олмоқчи  0 09:22"Ливерпуль" Экитикени жазолади  4 09:20Ўзбекистон Кубоги. "Бухоро" – "Сўғдиёна" 3:2  0 08:56Владимир Назаров — Пенальтилар серияси, шпаргалка ва "Бухоро" билан финал ҳақида   2 08:55Манише: "Роналду 1000 та гол ура олади"  6 08:27"Арсенал" асосий футболчиси билан узоқ муддатли шартнома имзолайди  0 08:00Пролига. Бугун супер учрашув бор  4 07:35Ўзбекистон Кубоги. “Пахтакор” — “Динамо” 0:0 (Пенальтилар серияси 4:2)  2 07:31Суперлига. Бугун Андижонда учрашув бор  3 02:27ЛаЛига. "Барселона" "Реал Овьедо" майдонида иродали ғалаба қайд этди  22 02:04Европа лигаси. "Астон Вилла", "Лион", "Порту"дан кичик ҳисобдаги ғалабалар ва бошқа натижалар  0 01:40"Арсенал" футболчиси вафот этди  2

Янги мавсум совриндорлари катта миқдордаги пулга эга бўлишади. ЎФФ Ижроия қўмитасининг навбатдан ташқари йиғилиши бўлиб ўтди Янгиликлар

Янги мавсум совриндорлари катта миқдордаги пулга эга бўлишади. ЎФФ Ижроия қўмитасининг навбатдан ташқари йиғилиши бўлиб ўтди

Йиғилишни ЎФФ президенти Бекзод Маматқулов кириш сўзи билан очди ва олиб борди.

Йиғилиш раиси Б.Маматқулов Ижроия қўмита аъзоларига ЎФФ ишчи гуруҳи яқинда водий вилоятларида сафарда бўлиб, жойларда футзални ривожлантиришга берилаётган эътибор, вилоят футзал жамоаларига яратилган шарт-шароитлар ўрганилгани ҳақида маълумот берди. Мамлакат миллий чемпионатини янада юқори савияда ташкил этиш, спортнинг футзал турини юртимизда кенг оммалаштириш мақсадида янги мавсум мусобақаларини замонавий инфратузилмага эга иншоотларда ўтказиш, телетрансляциялар сони ва сифатини ошириш, клубларнинг моддий-техник базасини мустаҳкамлаш сингари муҳим таклифларни илгари сурди

Ижроия қўмита қарорига мувофиқ 2025/2026-йилги мавсумда Олий лига иштирокчилари сони 12 та жамоа этиб белгиланди

Айни кунларда Жиззах шаҳрида бўлиб ўтаётган Олий лига ўтиш мусобақаси ғолиби 2025/2026-йилги мавсумда фаолиятини тугатган Бекободнинг “Металлург” жамоаси ўрнини эгаллайди.

Ўтиш мусобақасида иккинчи ўринни эгаллаган жамоа сўнгги чемпионатда охирги поғонани банд этган “Пахтакор” жамоасига қарши жорий йилнинг 12-июл куни Тошкент шаҳрида бўлиб ўтадиган саралаш учрашувида куч синашади. Мазкур баҳсда Олий лиганинг сўнгги – 12-жамоаси номига ойдинлик киритилади.

Олий лига жамоалари жорий йилнинг 15-август санасига қадар чемпионатда иштирок этиши бўйича ариза, кафолат хати, қарздорлиги (мураббийлар, футзалчилар ойлик ва мукофот пулларидан) мавжуд эмаслиги бўйича маълумот бериши, талабнома (заявка) тақдим этиши лозим. ЎФФнинг мазкур талабларини бажармаган клублар ўрнини ўтиш турнирида навбатдаги ўрнини эгаллаган жамоаси қабул қилинади.

2025/2026-йилги янги мавсум жорий йилнинг август ойи сўнгги ўн кунлигида мамлакат Суперкубоги мусобақаси билан очилади. Унда ўтган мавсум чемпиони ҳамда мамлакат кубогининг финалчиси ўзаро куч синашади.

Сентябр ойининг биринчи ўн кунлигидан 2025/2026-йилги мамлакат миллий чемпионати Олий лига мусобақасига старт берилади.

2025/2026-йилги мавсумнинг биринчи лига мусобақаси жорий йилнинг декабрь ойида ўтказилиши белгиланди. Мамлакат биринчилиги қатнашчилари сони ички низом ва талабларда аниқ кўрсатиб ўтилади.

Мамлакат миллий чемпионатининг барча учрашувлари қизиқарли ўтиши, совринли ўринлар учун кураш соғлом рақобат муҳити остида, кескин, муросасиз кечишини таъминлаш мақсадида мавсум якунларига кўра пул мукофотлари таъсис этилди. Унга мувофиқ бошланиши режалаштирилган мавсум миллий чемпионатда

биринчи ўринни эгаллаган жамоага – 500 000 000;

иккинчи ўринни эгаллаган жамоага – 350 000 000;

учинчи ўринни эгаллаган жамоага – 200 000 000 сўм пул мукофоти топширилиши белгиланди.

Шунингдек, турли йўналишлар бўйича мавсум лауреатлари аниқланиб, тегишли номинациялар бўйича ғолиблар қимматбаҳо совринлар билан тақдирланиши белгиланди.

2025/2026-йилги мавсум олдидан мамлакатимиз футбол-футзал жамоатчилиги учун катта брифинг ташкил этилиши режалаштирилган.

Шунинг билан Ўзбекистон футзал федерацияси Ижроия қўмитасининг навбатдаги йиғилиши ўз ишини якунлади.

Рейтинг: +1   

Фикрлар

championat.asia
< сўнгги янгиликларни кўриш
Яндекс.Метрика