Хусейн Шодиев: "Бизда футзал ривожланиш босқичида"
13 июл 2016 14:44
Янгиликлар
![](https://championat.asia/upload/storage/215107_original.jpg)
![](/upload/storage/215107_220.jpg)
Хусейн Шодиев: "Бизда футзал ривожланиш босқичида"
"Ўз шогирдларимнинг ўйинидан қониқмадим, чунки жуда кўп имкониятлардан фойдалана олмадик.
Ўзбекистон терма жамоасининг таркиби Осиё чемпионатидагидан анча фарқ қилди, жамоанинг асосий ўйинчилари клублар ўртасидаги Осиё чемпионатига йўл олишибди. Йигитларни бу жамоага қарши тайёрлаш бироз қийин бўлди, сабаби улар умуман бошқа таркибга қарши тайёрланишган эди. Янги ўйинчилардан иборат жамоага қарши бироз бўшашишди ва имкониятларни кўкка совуришди.
Яна икки кун кетма-кет ўйин бўлади, бу дегани ҳар икки жамоага ўйнаш қийинлашиб боради. Чунки, ўйиндан кейин тикланиш учун камида 48 соатдан 72 соатгача вақт керак. Шундай бўлсада, кейинги беллашувларда ижобий натижа кутиб қоламиз.
Бундан ташқари, футзалчиларимизга тажриба етишмаяпти, чунки таркибимиз жуда ёш, Осиё чемпионатида ҳам энг ёш жамоалардан бири бўлдик. Аксарият ўйинчилар терма жамоада саноқли ўйин ўтказишган холос. Шунинг учун ҳам асосий оғирлик 5-6 нафар футзалчиларимизга тушмоқда. Бизда футзал ривожланиш босқичида", - деб таъкидлаб ўтди Хусейн Шодиев.
Ўхшаш янгиликлар
![AMP Logo](https://championat.asia/image/logo-amp.png)
Фикрлар