UZ

Сўнгги янгиликлар

01:05Бундеслига. "Аугсбург" ва "Бавария" ўртасидаги ўйинда 5 та гол урилди  4 01:01Карлуш Кейруш: "Очиғини айтаман, бугун ғалаба қозонишимиз керак эди"  13 00:30Кападзе: "Кечирасизлар, лекин интернетда ёзилаётган нарсалар барчага таъсир қилмоқда"  21 00:09"Реал" — "Мальорка". Таркиблар маълум  13 23:37"Тулуза" — ПСЖ. Таркиблар маълум  1 23:35Бельгия Про лигаси. "Антверпен" меҳмонда мағлубиятга учради, Ўринбоев захирадан ўйинга қўшилди  1 22:40"Галатасарой" — "Ризеспор". Таркиблар маълум  4 22:37Гарначо 40 млн фунт эвазига янги клубига ўтди  6 22:11Ла Лига. "Атлетико" бу сафар "Алавес"ни юта олмади. Симеоне жамоаси уч ўйинда 2 очко жамғарди  2 22:09Ровшан Мередов: "Бундай турнирлар орқали нималар қўшишимиз кераклигини кўриб оляпмиз"  8 22:00Қирғизистон бош мураббийи: "Майдон ҳолати сифатли футбол кўрсатишга йўл қўймади"  7 21:55CAFA Nations Cup-2025. Ўзбекистон — Ўмон 1:1   29 21:32"CAFA Nations Cup-2025" Ўзбекистон илк ўйинда Кейруш бошчилигидаги Ўмонни юта олмади  371 21:23АПЛ. "Тоттенхэм" кутилмаганда ўз майдонида "Борнмут"га мағлуб бўлди, МЮ эса автогол ва пенальти эвазига "Бёрнли"дан устун келди  11 20:57БАА Лига кубоги. "Ал Наср" ва "Ал Батаэҳ" 1/8 финалнинг илк ўйинида ўзаро дуранг ўйнади, Ғаниев ўйинда тўлиқ ҳаракат қилди  2

Хоразмлик мухлисларга хушхабар. "Хоразм" уйига қайтмоқда Янгиликлар

Хоразмлик мухлисларга хушхабар. "Хоразм" уйига қайтмоқда

Теглар :  Хоразм
Хоразм спорт мажмуасини Суперлига ўйинларига тайёрлаш якуний босқичга кирди.

“15 йиллик танаффусдан сўнг Суперлигага қайтган Хоразм футбол клуби мавсум бошидан буён ўз уй ўйинларини турли шаҳарларда ўтказиб келмоқда. Бу вақт ичида Хоразм спорт мажмуасини Суперлига талаблари асосида қайта таъмирлаш ишлари олиб борилди. 

Ўтган вақт давомида Лига мутахассислари муттасил равишда Хоразм спорт мажмуаси тайёргарлигини мониторинг қилиб борди. Сўнгги марта улар 31-июл куни мажмуада бўлиб, навбатдаги ҳисоботни тайёрлади. Ўрганишлар хулосаси Хоразм клуби ва ниҳоят Суперлига ўйинларини ўз уйида қабул қилиши мумкинлигини кўрсатмоқда.

Лига Хоразм ва Нукус шаҳарларида Суперлига беллашувлари сунъий майдонда ўтказилиши масаласида Ассоциация билан биргаликда иш олиб борди. Экологик ҳолат мазкур минтақаларда табиий чим ўстириш ва кейинчалик уни парвариш қилиб боришда муаммолар келтириб чиқариши мумкинлиги, қолаверса, бу катта харажатни талаб қилиши эҳтимолини кўрсатди. Шундан келиб чиқиб, сунъий қоплама ФИФА стандартларига мос келиши лозимлиги ҳамда профессионал футбол учрашувларини ўтказиш имкониятини бериши шартида Хоразм спорт мажмуасига сунъий қоплама ётқизилиши учун рухсат берилди. Хоразм мазкур талабни бажарди. Ҳозирга қадар аренада қатор синов ўйинлари ўтказилди ва уларда эҳтимолий камчиликлар кузатилмади.  

Шунингдек, ВАР имкониятларидан келиб чиқиб, Термиздаги каби Хоразм спорт мажмуасининг ўзига алоҳида ВАР техникаси сотиб олинди ва мажмуада алоҳида ВАР хонаси ташкил этилди. 31-июл куни Лига ҳамда “Спорт ижодий бирлашмаси”нинг телетрансляциялар учун масъул мутахассислари ҳам мажмуада бўлиб, Суперлига ўйинларини эфирга узатиш учун амалга оширилиши лозим бўлган ишлар юзасидан ҳисобот тайёрлади. 

Стадион прожекторлари июл ойига қадар икки қайта созланган ва яхшиланган бўлса-да, улар Суперлига талабига жавоб бермай келаётганди. Шундан келиб чиқиб, май ёки июн ойларида мазкур аренада расмий ўйин ўтказиш учун рухсат берилмади. Натижада июл ойида қўшимча техникалар жалб қилиш устида иш олиб борилди. 31-июл ҳолатига кўра, прожекторлар ёруғлиги ўртача 1 830 люксга етказилди. Аммо бу масала тўлиқ ёпилмаган бўлиб, айни вақтда мажмуага қўшимча техника етказилиши давом этмоқда. Якунда прожекторларнинг ўртача ёруғлиги 2 000 люксдан оширилиши кўзда тутилган. 

Юқоридагилардан келиб чиқиб, Суперлига 19-туридан ўрин олган Хоразм — Қизилқум учрашуви билан Хоразм вилоятига Суперлига қайтиши масаласида келишувга эришилди. Унга қадар Лиганинг турли йўналишлар бўйича мутахассислари клуб ва стадион билан ҳамкорликда иш олиб, мажмуани расмий беллашувга тайёрлаш ишларини давом эттиради.” деб Ўзбекистон Профессионал футбол лигаси расмий маълумот тақдим этди.

Рейтинг: +6   

Фикрлар

+1   
03 авг 14:29:32
Askar nukus
Хоразм шахри эмас Урганч шахри
+1   
03 авг 12:39:27
Umidjon Hamzayev
Buxoro stadioni nima boʻldi
+1   
03 авг 12:12:58
Jamshid Qurbanov
O’zbekistondagi chiroyli va shinam stadionlardan bittasi Xorazm stadioni
+1   
03 авг 11:59:54
Abbos Masharipov
ЗУР ЯНГИЛИК БУЛДИ . ХОРАЗМГА ОМАД.
+1   
03 авг 11:59:09
Abbos Masharipov
ЗУР ЯНГИЛИК БУЛДИ . ХОРАЗМГА ОМАД.
+1   
03 авг 11:57:53
Abbos Masharipov
ЗУР ЯНГИЛИК БУЛДИ . ХОРАЗМГА ОМВД..
+1   
03 авг 11:53:51
ℳ????????????????????????????????
Xorazm guch, nasib atsa indi stadioni o‘zinnan goramiz
+1   
03 авг 11:53:07
Музаффар Махмудов
Қани, қани
+1   
03 авг 11:18:26
fffootbaall
Хоразм футболни согиндику
   
03 авг 23:15:18
Аброр Ибрагимов
Табриклаймиз Хоразмлик футбол мухлисларини. Омад Хоразм жамоасига!!!
championat.asia
< сўнгги янгиликларни кўриш
Яндекс.Метрика