Хоразмлик футболчилар “Умид ниҳоллари”га тайёрланишмоқда

Ҳозирги кунда футбол жамоалари мазкур  мусобақага қизғин тайёргарлик кўришяпти.

Жумладан, Хоразм вилояти терма жамоаси Тошкент шаҳрида шуғулланмоқда. Жамоага воҳанинг тажрибали мутахассисларидан бири Вали Султонов устозлик қиляпти.

Жамоа кеча дастлабки назорат учрашувини ўтказди. Хоразмлик ёшлар 1999 йилда туғилган футболчилардан иборат “Пахтакор” жамоасига қарши майдонга тушишди. Мазкур баҳсда воҳаликлар пойтахтлик тенгдошларига 0:5 ҳисобида имкониятни бой беришди. Эндиликда, улар “Бунёдкор”(1999 й. т.), “Пахтакор-2”, Чирчиқ олимпия захиралари коллежи(1999 й. т.) жамоалари ҳамда самарқандлик тенқурлари билан куч синашишади.

Шу ўринда эслатиб ўтиш жоизки, В. Султонов бош мураббийлигида Хоразм вилояти терма жамоаси бундан ўн икки йил муқаддам, аниқроғи 2003 йили ўтказилган “Умид ниҳоллари” мусобақасида ғолиб чиққанди.


Икром ХУДОЙБЕРГАНОВ