"Хоразм" - "Орол". Превью

Ҳар иккала жамоа ҳам биринчи турда омадсизликка учради. Нукусликлар ўз майдонида Фарғонанинг "Истиқлол" жамоасига 1:2 ҳисобида имкониятни бой беришган бўлса, урганчликлар Ғузорда "Шўртан"дан қақшатқич мағлубиятни қабул қилиб олишди - 1:5.

Шу боис бу галги ўзига хос дерби ҳар қачонгидан ҳам ўзгача тарзда кечишига шубҳа йўқ.

"Орол" жамоаси бу мавсумда бир қатор собиқ футболчиларини ўз сафига қайтарди. Дамир Низанов, Наврўз Алимов, Азамат Бабажановлар таркибга қайтди. Иккита Наврўз ва Азамат Бабажанов ҳужум триосидан мухлисларнинг умидлари катта.

Ўз навбатида Хоразм жамоаси сафида қорақалпоғистонлик икки нафар футболчи Ербол Сейтназаров ва Ойбек Нурбоевлар собиқ жамоасига қарши майдонга тушишлари мумкин.

Жамоаларнинг охирги 6 та тоқънашувининг 4 тасида "Хоразм", 2 тасида "Орол"нинг қўли баланд келган. Бундан кўриниб турибдики дербида ҳеч бир жамоа муроса кўчасини танлаш ҳақида ўйламайди.

"Орол" жамоаси ўтган мавсум билан қўшиб ҳисоблаганда охирги 14 ўйиннинг фақат биттасида ғалаба қозонган, сўнги 5 та тўқнашувни эса фақат мағлубият билан якунламоқда.

Бугун бўлиб ўтадиган дербида мухлисларни шиддатли футбол кутмоқда.

Фурқат Юсупов