Хитой. Анзур Исмоилов гол урди, Филипосян майдонга тушмади
06 апр 2014 15:45
Янгиликлар

Хитой. Анзур Исмоилов гол урди, Филипосян майдонга тушмади

Хитой Суперлигасида 5-тур ўйинлари бўлиб ўтди.

Ҳамюртимиз Артём Филипосян тўп тепаётган "Ляонинг Хонгюн" клуби ўз уйида "Далиан Итенг" билан ўйнади. Баҳс 3:0 ҳисоби билан тугади.

Филипосян учрашувни захирадан ўтириб кузатди. "Ляонинг" 5 учрашувда 5 очко тўплаб мусобақа жадвалининг 11-поғонасида бормоқда. Клуб кейинги ўйинни 13 апрель куни сафарда "Цзянсу Шунтиан"га қарши ўтказади.

"Ляонинг Хонгюн" - "Далиан Итенг" 3:0
Голлар: Чаманга 27, 48 пенальти, 70.

Анзур Исмоилов фаолият олиб бораётган "Чанчун Ятаи" клуби ўз майдонида "Шанхай Шенхуа"ни қабул қилиб 2:2 ҳисобида дуранг ўйнади. Учрашувда Исмоилов тўлиқ ўйнади ва жамоасининг илк голининг муаллифига айланди. Клуб 5 очко билан мусобақа жадвалининг 9-поғонасидан ўрин олган. "Чанчун" 12 апрель куни сафарда "Шанхай Ист Эйшиа" меҳмони бўлади.

"Чанчун Ятаи" - Шанхай Шенхуа 2:2
Голлар: Анзур Исмоилов 25, Коельо 90+4 - Дади 9, Гао Ди 43.

Ҳавола :

Манба : championat.asia

Янгиликларни Телеграмда ўқинг!

Рейтинг: