Хитой. 22-тур. Анзур Исмоилов гол урди, аммо жамоаси мағлуб бўлди
26 авг 2013 11:06
Янгиликлар

Хитой. 22-тур. Анзур Исмоилов гол урди, аммо жамоаси мағлуб бўлди

Хитой суперлигасида 22-тур ўйинлари бўлиб ўтди. Эътиборингизга ҳамюртларимиз иштирокидаги ўйинларга қаратамиз.

Камолиддин Тожиев тўп тепаётган "Жиангсу Сейнти" клуби ўз уйида "Чанчун Ятаи"ни қабул қилди. Меҳмонлар сафида Анзур Исмоилов фаолият юритишидан хабарингиз бор. Ўйинда майдон эгалари 2:1 ҳисобида зафар қучишди. "Чанчун"нинг ягона жавоб тўпини ҳамюртимиз Анзур Исмоилов киритди. Камолиддин Тожиев ҳам, Анзур Исмоилов ҳам ўйинда тўлиқ ҳаракат қилишди.

"Бейцзин Гоан" эса ўз уйида "Далиан Аэрбин"ни қабул қилди. Ўйинда Егор Кримец жамоадошлари йирик ғалабага эришишди. Кримец учрашувни тўлиқ ўтказди.

Бир кун олдин Шавкат Муллажонов тўп тепаётган "Ляонинг Хонгюн" клуби сафарда "Циндао Жонун" устидан 1:0 ҳисобида ғалабага эришганди. Ўша куни ҳамюртимиз 90 дақиқа ҳаракат қилганди.

Ҳавола :

Манба : championat.asia

Янгиликларни Телеграмда ўқинг!

Рейтинг: