Хеккинг: "Агар тиззалар титрамаса "Вольфсбург" "Реал"ни енгади"
31 мар 2016 14:47
Янгиликлар

Хеккинг: "Агар тиззалар титрамаса "Вольфсбург" "Реал"ни енгади"

"Вольфсбург" бош мураббийи Дитер Хеккинг "Реал"га қарши Чемпионлар лигаси чорак финал учрашувидан олдин, турнирнинг бу босқичига чиқиш унинг жамоаси учун катта муваффақият ҳисобланади.

Ушбу учрашув 6 апрель куни Германияда бўлиб ўтади.

"Бу нафақат клуб, балки мухлисларимиз учун ҳам ажойиб натижа. Гуруҳимизда кучсизлар йиғилганди дея олмайман, аммо ушбу босқичдаги саккизта учрашудан олтитасида ғалаба қозондик. Бу сўнгги олти йилдаги бизнинг биринчи Чемпионлар лигамиз. Айни дамда Европа футбол клублари элитасидамиз. 120 минг кишилик шаҳар клуби грандлар орасида. Бу клуб учун ажойиб натижа.

Мен "Бенфика" билан тушишни истаган эдим. Бундай баҳсда имкониятлар 50-50 бўлади. Аммо бизни афсонавий "Реал" кутиб турибди. Агар тиззаларимиз титрамаса рақибни енгамиз. Ха, "Реал" машҳур номга ва футболчиларга эга кучли клуб, аммо улар ҳам биз каби жамоа. Ўз имконият даражамизда рақибга муаммо туғдиришга ҳаракат қиламиз. Ҳар бир учрашувда имконият бўлади. Ушбу баҳсда биз аутсайдермиз. Жамоам иккала ўйинда ҳам дадил бўлишини истайман.

Барча "Реал"нинг кучли томонларини яхши билади. Улар ҳужумда жуда хавфли. Мадридликлар ушбу еврокубоклар мавсумида 8 та учрашувдан еттитасида ғалаба қозонди. Бизни кучли жамоа кутиб турибди, аммо ўзимизга паст баҳо бермаслигимиз лозим" - дейди Хеккинг.

Ҳавола :

Манба : UEFA

Янгиликларни Телеграмда ўқинг!

Рейтинг: +5