Хави: "Неймар "Барселона"ни тарк этишини ҳеч ким тахмин қила олмас эди"
12 авг 2017 21:47
Янгиликлар

Хави: "Неймар "Барселона"ни тарк этишини ҳеч ким тахмин қила олмас эди"

"Барселона" собиқ ярим ҳимоячиси Хави Неймарнинг ПСЖга ўтиши ҳақида фикр билдирди.

"Неймар ўз қарорини қабул қилди, уни ҳурмат қилишимиз керак. Бу унинг танлови. Бугун футболда ўйинчилар ўзи истаган клубга ўтмоқда. Бироқ ҳеч ким Неймар "Барселона"ни тарк этишини олдиндан айтиб бера олмасди. Футболчи бундай клубда қолмаслиги жуда ғалати. Луиш Фигу "Барса"дан "Реал"га ўтганига 17 йил бўлди. Неймар воқеаси каби, ўшанда қарор Фигуники эди.

Бу қандай бўлганини билмайман. ОАВда бу трансфернинг бир неча версиялари бор. "Барселона"нинг хафа бўлган мухлисларини тушунаман, чунки Неймар ҳеч қандай тушунтириш бермади. У "Барселона"ни матубот-анжуманисиз тарк этди.

Кўрамиз, Неймар ПСЖга нима бера олар экан. "Барселона" шартномадаги товон пули кимдирлар томонидан ишлатилишини кутмаган эди. Энди Каталония клуби битимлардаги шартларга эътибор бериши керак" - дейди Хави.

Ҳавола :

Манба : Le Parisien

Янгиликларни Телеграмда ўқинг!

Рейтинг: +2