Хави: "Барселона"даги "курсим қимирлаб қолган" деган ҳислар ичимдан ўтмади"

Айни дамда Каталония клуби ЛаЛига турнир жадвалида пешқадамлар "Реал" ва "Жирона"дан 7 очко ортда қолган ҳолда 4-ўринни эгаллаб турибди. Бугун тунда жамоа ўзи билан тенг очко жамғарган "Атлетико"га қарши баҳс олиб боради.

"Бу ердаги фаолиятим хавф остида қолмаган. Клуб президенти ва Декунинг менга билдираётган ишончидан мамнунман. Ушбу мавсум ажойиб ўтишига ишонаман.

Жамоа кутилганидан кўра ёмонроқ ўйнамоқда, шу сабабли керакли натижаларга эриша олмаяпмиз. Барқарор бўлишимиз, кўп жиҳатларимизни яхшилашимиз керак. Ўтган вақт давомида кўплаб яхши ишларни бажардик, энди ўйин сифатимизни ҳам яхшилашимиз керак. Шу орқали натижалар ҳам келади", - деди Хави.