"Воҳа футболи". Элдор Суюнов кеча Нойерга "мухлислик" қилди

"Машъал": Қашқадарё иккинчи лигасида икки жамоамиз иштирок этади

Қашқадарёдаги иккинчи лига баҳслари ҳам старт олди. Ушбу мавсумда вилоят чемпионатида "Машъал"нинг икки жамоаси иштирок этади. Иккинчи лига икки гуруҳга бўлинган ҳолда гуруҳ баҳсларини ўтказади. "Машъал"нинг "Машъал-А" ва "Машъал-3" жамоалари "А" гуруҳида ўйинларини олиб боради.

"А" гуруҳида "Машъал"нинг икки жамоасидан ташқари "Аланга-2", "Нуристон", "Олимпия", "Бинокор", "Шўртан-99", "Шўртан-ФМ", "Насаф-99", "Насаф-ФМ" ҳам иштирок этади.
"Машъал-А" жамоасини Микола Лапа бошқариб борса, "Машъал-3" жамоасининг бош мураббийи Бахтиёр Сатторов бўлади.



"Шўртан": Рустам Аъзамов Москвадан қайтиб келди

Ғузорнинг "Шўртан" клуби олий лиганинг 8-туридан ўрин олган "Олмалиқ" клубига қарши баҳсга тайёргарликни давом эттирмоқда.

Мухтор Қурбонов бошчилигидаги жамоа сешанба кундан бошлаб Ғузорда машғулотларга киришди. Таркибда фақат Рустам Аъзамов жароҳат олган. Куни кеча ҳимоячи Москвада жарроҳлик амалиётини ўтаб қайтиб келди. Аъзамов биринчи давра охирларида якка тартибда шуғулланишни бошлайди.

Эслатиб ўтамиз, "Шўртан" - "Олмалиқ" учрашуви 10 май куни соат 17:30да бошланади.



"Насаф": Элдор Суюнов кеча "Барселона" - "Бавария" учрашувини дўстлари билан томоша қилди

Қаршининг "Насаф" клуби дарвозабони Элдор Суюнов кеча Европа чемпионлар лигаси ярим финали доирасидаги "Барселона" - "Бавария" ўйинини синфдош дўстлари билан томоша қилди. Элдор ҳеч қайси клубга мухлислик қилмади. У асосан Мюнхен клуби посбони Мануэль Нойернинг ҳаракатларини кузатди.


"Воҳа футболи" клублар матбуот хизмати ёрдамида ҳар куни бериб борилади.