Championat.asia сайти маълумотларига кўра, жамоанинг маҳоратли ярим ҳимоячиси Владимир Козак клуб билан ўзаро келишган ҳолда ўртадаги шартномани бекор қилган. Энди 27 ёшли футболчи эркин агент мақомида. Таъкидлаш жоизки, Козакга Суперлиганинг бир қатор жамоаларидан жиддий қизиқиш мавжуд.
Эслатиб ўтамиз, жамоани бунга қадар Жалолиддин Машарипов, Игорь Сергеев, Достон Ҳамдамов, Шоҳруҳ Маҳмудхожиев, Суҳроб Нуруллоев, Улуғбек Ҳошимов каби футболчилар тарк этганди. Асадбек Собиржонов эса "Қўқон-1912"га ижарага берилди.
