Владимир Андреев: "Кубокда кўпроқ ёшларга эътибор қаратамиз"
03 дек 2020 19:10
Янгиликлар

Владимир Андреев: "Кубокда кўпроқ ёшларга эътибор қаратамиз"

Суперлига 26-турдан ўрин олган "Сурхон" - "Суғдиёна"(1:2) учрашувидан сўнг мезбон жамоа бош мураббийи Владимир Андреев фикрлари билан ўртоқлашди.

- Ўйин ҳақида нима ҳам дейишим мумкин. Ўйин томошабоп бўлди. Ўйинни ҳужумкорлик билан бошладик. Афсуски, бироз ўтиб гол ўтказиб юбордик. Шундан сўнг, футболчилар яна фаол ҳаракат қилиб, имкониятлар яратишга ҳаракат қилишди. Иккинчи бўлим бошларида гол уриб ҳисобни тенглаштирдик. Голдан кейин ҳимояга кўпроқ эътибор қилган ҳолда, қарши ҳужумларда ҳаракат қилдик. Учрашув якунига қадар яна гол ўтказиб юбордик. Бахтимизга АГМК ва "Пахтакор" ғалаба қозонди ва биз Суперлигада жон сақлаб қолдик. "Сурхон" жамоаси муҳлисларига раҳмат айтаман.

- Сардор Сулаймонов майдонни эрта тарк этди. Бу сизни режаларингизни ўзгартириб юбордими?

- Сулаймонов жароҳат олиб майдонни тарк этди. Шундан сўнг, ёш футболчи Ўрал Чориевга имконият бердик. Ёмон ҳаракат қилмади.

- Кубокдаги режалар қандай?

- Кубокда кўпроқ ёшларга эътибор қаратамиз ва шу орқали улар йил давомида қанчалик ўсишга эришганини кўрамиз. Шу ёшлар билан Қўқонда ғалаба қозонишга ҳаракат қиламиз.

Ҳавола :

Манба : championat.asia

Янгиликларни Телеграмда ўқинг!

Рейтинг: +3