"Вильярреал" Сетьенни ишдан бўшатди
05 сен 2023 17:50
Янгиликлар

"Вильярреал" Сетьенни ишдан бўшатди

"Вильярреал" бош мураббийи Кике Сетьенни истеъфога чиқарди.

Бу ҳақда "сариқ сувости кемаси" расмий сайтида маълум қилинди.

Испаниялик мутахассиснинг ишдан бўшатилишига мавсум бошидаги қониқарсиз натижалар сабаб бўлди. Испания Ла Лигасининг дастлабки 4 турида 3 та мағлубият аламини тотиб кўрган "Вильярреал" бор-йўғи 3 очкони қўлга киритди. Жамоа ҳозирда чемпионат жадвалида 15-ўринда бормоқда.

Эслатиб ўтамиз, Сетьен "Вильярреал"га ўтган мавсум Унаи Эмери "Астон Вилла"га йўл олгач келганди. Аввалроқ Кике 2019/20 йилги мавсум "Барселона"да фаолият юритган.

Ҳавола :

Манба : Reuters

Янгиликларни Телеграмда ўқинг!

Рейтинг: