UZ

Сўнгги янгиликлар

20:25Гаиска Мендьета: "Хави МЮда ишлашга ўзини тайёрлаб келмоқда"  0 19:53"Парма" ҳужумчиси Англиянинг учта клуби эътиборига тушди  1 19:30Терма жамоа дарвозабони, Қосимовни ютган мураббий, 21 ёшли футболчи — Суперлигада 23-турнинг энг яхшилари   3 19:13Тўрақулов, Искандеров, Ҳожимирзаев, Сергеев ва бошқалар... Суперлига 23-тур рамзий терма жамоаси  2 18:50Ўзбекистон Озарбайжон билан биргаликда Жаҳон чемпионатига мезбонлик қилади!  17 18:36"Арсенал" Сакага ҳафтасига 322 000 евро тўлашга тайёр  2 18:08Жиру: "Европа Лигаси биз учун жуда муҳим"  1 17:40Ла Лига "Атлетико" – "Реал" учрашувида янграган ҳақоратомуз сўзларни қоралади  0 17:12Артета: "Дарвозани дахлсиз сақлаганимиздан жуда хурсандмиз"  0 16:44Расман: Шукуров БАА клубига ўтди  8 16:14Конте: "Захирадан тушганлар ўйинни кучайтирди"  3 16:08Каннаваро тайинлови: пиарми ёки стратегик қарор?  44 15:45Гвардиола: "90 дақиқа Родри учун оғир синов бўларди"  1 15:19Элит ОЧЛ. 2-тур якунлари  0 14:58Де Йонг: "ПСЖ иккинчи бўлимда "Барселона"дан кучлироқ эди"  2

Виктор Жалилов: "Ўша пайтда наманганлик футбол мухлисларига ажойиб онларни туҳфа этгандик" Янгиликлар

Виктор Жалилов: "Ўша пайтда наманганлик футбол мухлисларига ажойиб онларни туҳфа этгандик"

Намангандаги "Навбаҳор"нинг Ўзбекистон чемпион бўлганига 20 йил тўлиши муносабати билан байрам дастури бўлиб ўтмоқда.

Биз эса ўша чемпион таркибда бош мураббий сифатида фаолият олиб борган Виктор Жалилов билан суҳбатлашдик.

-Виктор Романович, тарихий ғалабанинг 20 йиллиги билан табриклаймиз. Ўша пайтдаги шогирдларни кўриб кўнглингиздан нималар ўтмоқда?
-Албатта, раҳбариятнинг ушбу санани эслагани жуда ёқимли. Бу носталгия. Ҳақиқий байрам. Ўша пайтда наманганлик футбол мухлисларига ажойиб онларни туҳфа этгандик.

-Ушбу тарихий чемпионликнинг асосий сабаби нимада деб ўйлайсиз?
-Чемпионликда кўпчиликнинг ҳиссаси бор. Айниқса Ҳакимжон Ҳошимовнинг шарофати билан ўша таркиб сақлаб қолинганди. Мустақилликдан сўнг таркибни, жамоани, клубни сақлаб қолиб, уни кучайтириш 1996 йилда ўз натижасини берган. Магомедов, Денисов каби тажрибали футболчилар ҳам сафимизда бўлган. Шунингдек, Шацких, Мусабоев, Мадраҳимов, Дилмуҳаммедов каби ўйинчилар ҳам юқори савияда ўйин намойиш этганлар. Барча футболчилар бир бирини тушуниб ҳаракат қилардилар. Бу эса ўз мевасини берган.



-Кўпгина футболчилар терма жамоада ҳам ўйнардилар ўша пайтда...
-Ҳа, албатта. Деярли 40 % - 50 % футболчиларимиз турли пайтларда терма жамоада ўйнаганлар. Фарҳод Магомедов, Илҳом Шарипов, Олег Шацких, Мусабоев, Маъруфалиевлар ҳам бош жамоамиздан чақирув олгандилар.

-Ушбу футболчилар билан бирга ишлаш сизга осон бўлгандир?
-Футболда осон иш бўлмайди. Доимо, қийинчиликлар, мағлубиятлар бўлиб туради.

-Ўша йиллари асосий рақиб "Нефтчи" ҳисобланарди...
-Ҳа, айнан ўша пайтда асосий рақобат бўлганди иккита жамоа ўртасида. Айнан улардан чемпионлик унвонини олиб қўйганмиз.

-Ўша вақтдан бери нималар ўзгарди?
-Жуда кўп нарса ўзгарди. Менга ёққан томони, жамоа ўз анъаналарини сақлаб қолди. "Пахтакор", "Нефтчи"лар билан биргаликда "Навбаҳор" ҳам мунтазам тарзда Олий лигада иштирок этиб келмоқда.



Камолиддин Алимов суҳбатлашди
Рейтинг: +2   

Фикрлар

championat.asia
< сўнгги янгиликларни кўриш
Яндекс.Метрика