Вегорст МЮга ўтмоқчи. Тен Хаг футболчини ижарага олишни маъқуллади

Ҳозир футболчи "Бёрнли"га тегишли ва ижара асосида "Бешиктош"да ўйнамоқда. Маълумотларга кўра, бу трансферни ҳал қилиш учун аввал "Бёрнли" футболчини турк клубидан қайтариб олишга келишиши лозим. Туркия жамоаси эса товон пули талаб қилиши мумкин.

Вегорстнинг ўзи МЮга ўтишни хоҳламоқда. У Англияга қайтиб, АПЛда ўзини кўрсатиш ниятида.

Футболчи тен Хаг қўл остида ишлашга қизиқяпти. Мураббий ҳам бунга қарши эмас ва клуб вакилларига ушбу трансферни иложи борича тезроқ ҳал қилиш ҳақида кўрсатма берди.

30 ёшли ҳужумчи "Бешиктош" сафида 16та учрашувда майдонга тушиб, 8та гол урди ва 4та голли пас берди.