Ван Галь: "Фалькао фақат 20 дақиқа ўйнашга тайёр"

28 ёшли колумбиялик футболчининг ижараси учун "қизил иблислар" "Монако"га 6 миллион фунт тўлашди. Радамель Манчестерда ҳафтасига 280 минг фунт маош олмоқда. Бироқ Фалькао ҳозирга қадар Ван Гал жамоасига у қадар катта фойда келтирмаяпти.

Фалькао "Юнайтед" сафида 7та учрашувда майдонга тушди ва битта гол урди. Радамель ҳеч бир баҳсда тўлиқ 90 дақиқа ўйнагани йўқ. Колумбиялик футболчи ўз ҳолатидан қониқмаяпти ва захира жамоасида ўйнамоқчи эмас. Лекин Ван Гални футболчининг фикри қизиқтирмайди.

"Унинг фикри мен учун қизиқ эмас. У менинг фалсафамга мос бўлиши керак. Буни тушунмаяпсиз? Айнан шу боис мен бу ердаман".

"Жамоа қайдномасида қайси футболчилар керак эканини мен ҳал қиламан. Фалькао ҳозирча АПЛда атига 20 дақиқа ўйнай олади холос", - дейди Ван Гал The Telegraph нашрига.