Вали Келдиев "Машъал" ёшлар жамоаси бош мураббийи

Айни вақтда 12 очко билан учинчи поғонада бораётган жамоамизни Жамшид Саидов бошқариб бормоқда эди.  Асосий таркиб мураббийлар штабидан Марат Мифтахутдинов кетгандан сўнг,  жамоага ёрдамчи мураббий сифатида Жамшид Саидов ўтди.
 
Кеча клубда бўлиб ўтган йиғилишдан сўнг ,  клуб раҳбарияти ва бош мураббий таклифи билан ёшлар жамоамизга Вали Келдиев бош мураббий этиб тайинланди.

Вали Келдиевни футбол ишқибозларига ортиқча таништириб ўтиришнинг ҳожати бўлмаса керак. Ўз вақтида олий лигада энг кўп майдонга тушган собиқ футболчи эндиликда мураббийлик касби билан шуғулланмоқда. Вали Норпўлатович айни вақтгача «Машъал» футбол мактабида ёшларга футбол сир-асрорларини ўргатиш билан банд эди.

Бугундан бошлаб ёшлар жамоамиз машғулотларини Вали Келдиев олиб боради.