Вадим Абрамов: “Кожо билан ҳаммаси жойида, дастлабки интервьюда эмоциялар акс этган”
21 сен 22:52
Янгиликлар

Вадим Абрамов: “Кожо билан ҳаммаси жойида, дастлабки интервьюда эмоциялар акс этган”

Суперлиганинг 19-туридан ўрин олган “Олимпик” - “Динамо” (0:3) учрашувидан сўнг меҳмонлар бош мураббийи Вадим Абрамов матбуот анжуманида иштирок этди.

Ўйин ҳақида

- Бугунги учрашувда йирик ҳисобда ғалабага эришдик. Ўйиннинг дастлабки қисмида омадимиз келмаётгандек кўринганди. Вазиятлардан унумли фойдаланишда қийинчиликларга дуч келдик. Бироқ, иккинчи бўлимни ёрқинроқ ўтказдик ва голлар урдик. Йигитларга фаоллик учун миннатдорчилик билдираман. Натижадан қониқдим.

- Жоел Кожо трансфери билан боғлиқ хабарлардан сўнг уни бугунги ўйинга қандай тайёрладингиз?

- Кожо билан ҳаммаси яхши. Кайфияти ҳам жойида. Аввалроқ берилган интервьюда эмоциялар ўз таъсирини кўрсатган. У тушуниб олди ва жамоамиз учун ёрдамга тайёр. Бугун ҳам гол урди. Кожо билан муаммо йўқ.

- Биринчи бўлимда рақиб кучлироқдек кўриндими?

- Биринчи бўлимда кўп ҳаракатларимиз ўхшамаётгандек эди. Иккинчи бўлимда барчаси жойига тушди ва кетма-кет голлар киритдик. Бизнинг ўйин услубимизда ҳар доим охиригача кураш олиб бориш факторлари акс этган.